DILI (timorpost.com) — Kompañia foun ho naran BRANDITAll husi Austrália, hahú lori ona roupa ka uniforme ba traballadór konstrusaun sira uza hodi halo servisu ho marka foun husi Austrália no Nova-Zelándia mai iha Timor-Leste.
“Ami-nia kompañia ne’e foin loke tinan rua iha 2019, servisu ba liu iha área uniforme ninian kompañia ne’e ninia vizaun mak usseled depende ba nesesidade nasaun nian no iha posibilidade bele mós halo buat seluk,” dehan Manager Kompañia BRANDITALL, Arpar Pacheco Castela, iha Hudi-Laran, Kinta (29/09).
Tanba ne’e nia dehan, sira hatama sasán liuliu kona-ba uniforme, hodi fa’an iha Timor-Leste, maibé roupa sira ne’e ho kualidade di’ak no modelu oi-oin, inklui mós uniforme sira kona-ba kompañia sira uza hodi halo servisu no instituisaun no asosiasaun sira hotu.
“Roupa sira ne’e ami fa’an eceran mós iha no fa’an packet mós iha, liuliu uniforme sira ba kompañia sira hahú husi faru, kalsa, helm no botas sira, iha mós mesin printer, mesin pres no border,” hateten nia.
Nia dehan, roupa ka uniforme sira ne’ebé hatama mai ne’e, foti direita husi kompañia supply iha Austrália no mós balun husi Nova-Zelándia.
Sasán sira ne’ebé hatama mak hanesan, Bisley, Kingee, Yzmik, Pratt, Lakeland, Paramount, Bizcare, Portwest, Hard Yakka, Biz Corporates no seluk tan.
“Bran sira ohin ne’e ita simu husi sira, hafoin kompañia ka emprezáriu sira inklui Timoroan sira ne’ebé halo negósiu ka ba fa’an tutan ne’e mai simu fali husi ita, tanba planu ita sei la tun hodi fa’an direita ba komunidade sira,” hateten nia.
Nia mós dehan, agora instituisaun ka kompañia sira ne’ebé sai hanesan sira-nia kliente hodi foti uniforme husi sira ka asina akordu ho sira hodi foti sasán husi sira.
“Sira agora sai ita-nia kliente ne’e lubuk ida, hanesan Timor Port, Bolorre Timor-Leste, Timor Resources, Partisipa, Sacom, hamutuk ho kompañia internasionál sira lubuk ida iha Timor-Leste no kompañia lokál lubuk ida tan, mak sira asina akordu ho ita hodi simu uniforme kompletu edifísiu no konstrusaun nia husi ita,” nia subliña.
Nia hatutan, la’ós ida ne’e de’it, iha mós ema indivíduu lubuk ida ona mak ba hola ona sira-nia sasán ka roupa sira ne’e, tanba iha ne’e hatama sasán kona-ba uniforme ne’e kompletu, tantu uza ba konstrusaun ka uza ba servisu instituisaun.
Fó hanoin fali katak, edifísiu BRANDITAll ka loja refere, lokaliza iha área Hudi-Laran Bairru-Pité besik edifísiu Servisu Rejistu Verifikasaun Emprezariál (SERVER).
2,672 total views, 3 views today
