DILI (timorpost.com) — Ministériu Northern Territory Australia, ohin loron Kinta (08/09), hala’o vizita ofisiál ba Sekretáriu Estadu Formasaun Profisionál Empregu (SEFOPE) hodi ko’alia kona-ba Trablladór sira ne’ebé sei ba serbisu iha Australia.
Tuir Sekretáriu SEFOPE, Alarico do Rosário, hatete vizita no enkontru ida ohin espesiál ba Timoroan, katak Governu husi Ministériu Northern Territory Austrália Norte, nia enkarrega hanesan Ministru ba Traballu no mós Turizmu, oinsá SEFOPE Timor-Leste ho Austrália serbisu hamutuk haree ba oin, oinsá atu Timoroan bele hetan oportunidade ba serbisu iha Austrália Darwin, liuliu ba iha area agrikultura ho Ospitalidade.
“Sira mai ne’e la’ós atu rekruta, maibé sira mai halo konsultasaun, oinsá para ba futuru ne’e ita bele prepara ita-nia alin sira, Joven sira bele hetan oportunidade ida ne’e hodi aumenta ba serbisu iha Darwin,” nia hateten hafoin hasoru maluiha Salaun Enkontru SEFOPE, Kaikoli.
Nia dehan, aumenta, karik ida ne’ebé bá ne’e, sira ne’e eziste tiha ona, maibé ida ne’e sira mai buka dalan, tanba iha ajénsia lubuk ida, mak atu serbisu hamutuk ho Governu Darwin, atu oinsá para mai hodi hatene tuir haruka Timoroan ba iha ne’ebá halo nusa.
“Tanba ida ne’e mak sira mai halo konsultasaun sira sei vizita ita-nia fatin sira hanesan agrikultura, toos sira iha Maubesi, Ermera haree liubá kafé, no haree mós ba Timoroan sira ku’u ai-fuan sira ne’e halo nusa, ida ne’e para sira bele halo kalkulasaun, atu loron ida sira sei trasa planu iha ne’ebá, oinsá atu mai rekruta Timoroan sira ba serbisu aumenta tan iha ne’ebá,” Alarico dehan.
Alende kona-ba ofisiál uza ona ka seidauk, tanba agora foin mak halo konsultasaun, tanba konsultasaun ida ne’e atu fó dalan atu koopera ho Ministériu, hodi oinsá Timoroan sira ne’e bele Dezloka ba serbisu iha Darwin.
Iha fatin hanesan, Ministériu Empregu no mós ba Turizmu (Minister for Business, Jobs and Training and Agribusiness and Fisheries), Hon Paul Kirby MLA, hatete objetivu husi vizita ida ne’e, atu mai konsulta ho SEFOPE.
“Posibilidade atu haruka Timoroan hodi ba serbisu iha Austrália, maibé liuliu kona-ba aranzamentu viza nian, hodi simplifika para oinsá bele ajuda Timoroan sira ba serbisu iha Austrália,” nia dehan.
Kona-ba atu serbisu iha area saida no bainhira mak realiza, ida ne’e hanesan konsultasaun nian, ida ne’ebé mai atu konsulta ho SEFOPE, ba iha setór ne’ebé ohin mensiona katak, Hospitalidade, no agrikultura nian, ne’ebé ida ne’e hanesan faze konsultasaun.
3,219 total views, 6 views today
