DILI (Timor Post) – Prezidente Repúblika (PR), José Manuel Ramos Horta, hatete foin daudauk ba Indonézia iha loron sira-nia laran ne’e, mantein kontaktu ho autoridade sira iha indonézia, inklui Nusa Tenggara Timur (NTT).
“Ha’u briefing tiha ona ba Primeiru Ministru, maun boot Xanana no sira hotu-hotu, katak indonézia hakarak implementa ideas ne’ebé husi Prezidente Joko Widodo.
Nia dehan, Governador NTT hakarak halo ba iha Timor-Leste, kona-ba zona industrial iha fronteira Suai, Maliana, RAEOA ho NTT, para zona komérsiu livre ne’e tenke la’o ba oin,” nia hateten, hafoin halo vizita iha Kuartél Jenerál PNTL Kaikoli, Sesta (12/08).
Nia informa, Governu aprova tiha ona Lei ne’e iha fulan ida liubá, Prezidente Repúblika mós asina no promulga lei ne’e kona-ba Parke Industrial, portantu Timor-Leste bele avansa ho ida ne’e.
“Nune’e mós grupu internasionál ida boot husi Nova Yorke, atu mai iha Timor, hodi fó apoiu diretu ba Prezidente Repúblika ho Governu, atu ajuda ita para dezenvolve idea, para modernizasaun ita-nia ekonomia,” nia hakotu.
2,753 total views, 3 views today
