Dili (Timor Post) – Tuir Komisáriu, Komisaun Anti Korrupsaun (KAK), Sergio de Jesus Fernandes da Costa Hornai, hatete Sira simu ona relatóriu no agora halo hela leitura kona-ba implementasaun Sesta Bázika faze daruak nian.
“Ha’u simu ona relatóriu iha Sesta-feira liubá, no ha’u halo hela leitura, no sei halo koordenasaun ho ekipa ne’ebé konstituidu iha KAK, para haree oinsá mak ho sekretariadu tékniku, liuliu ba iha implementasaun sesta bázika nian, husi sekretariadu estadu no mós ministériu relevante ne’ebé simu responsabilidade ba iha implementasaun,” nia dehan bainhira partisipa iha eventu Atribuição a Medalha de Méritos a Cinco Militares Sul-Coreanos, iha Palásiu Prezidensiál, Bairru-Pité, Segunda (08/08).
Nia informa, implementasaun Sesta Bázika ne’e importante, desizaun polítika ida, maibé KAK hakarak ne’e nia implementasaun sira tenke halo ho efisiénsia, no halo tuir kualidade ne’ebé iha.
“Relatóriu ne’e husi KAK nian rasik, ita halo ona ho esforsu sira atu bele hetan deskobrimentu sira hanesan, kestaun sira ne’ebé agora ita boot sira tenta atu bele hasa’e,” nia akresenta.
Nia afirma tan, kona-ba kuantidade Sesta Bázika nian, tuir dekretu lei hatete, labele menus husi dolar amerikanu 50 USD, kada benefisiáriu sira.
Nia hateten, pergunta mak ne’e, serake benefisiáriu sira simu duni dolar amerikanu 50 USD, ho nia kuantidade no kualidade hanesan temi daudauk iha ita-nia dekretu lei ne’e ka lae.
Tanbá ne’e Nia dehan, agora implementasaun sé mak atu responsavel, ministériu hakarak ka lakohi tenke halo supervizaun hamutuk ho kompañia implementadór sira ou manan na’in ba fornesimentu Sesta Bázika, atu bele kumpre de’it ba iha lei, laiha tan buat seluk, entaun ne’e medida seluk.
2,304 total views, 6 views today
