ADVERTISEMENT

Governu Tenke Esforsu Hasae Produsaun Kafé

Mario da Costa - Ekonomia
Jornalista : Cardenio Alves
Editor : Asisten Hermenegildo da Costa Tilman
  • Share
Deputadu Mariano Asanami Sabino, Imajen TP/Cardenio Alves

DILI (Timor Post)—Prezidente Bankada Partidu Demokrátiku (PD), Mariano Asanami Sabino, husu Governu esforsu hodi hasa’e produsaun kafé iha rai laran.

Nia hatete, Timor-Leste hanesan país ida ne’ebé riku ho kafé iha sudeste aziátiku, , no mós identidade Kulturál nasaun, tanba ne’e Governu no Estadu tenke toma atensaun hodi hafolin kafé, iha nasionál  to’o  internasionál.

ADVERTISEMENT
SCROLL FILA BA NOTISIA


“Ita-nia rikusoin hanesan kafé ne’e nu’udar produtu integradu, tanba ne’e kafé nu’udar identidade kulturál iha Timor-Leste”, nia hateten iha resintu Parlamentu Nasionál, Segunda (11/07).

Tuir Eis Ministru Agrikultura ne’e, hatete kafé ne’e riku soin nasaun nian, nune’e labele haluha kafé nu’udar íbrida natural.

Lee Mós :
SEPC ho PM Xanana Partisipa Enkontru Ministerial ASEAN

“Timor-Leste tenke orgullu kona-ba rikusoin kafé ita nian, tanba iha tinan 1950 kafé mundu tomak mate, iha kafé inan ida iha suku Estadu, lori fali ba iha Portugal halo peskiza barak, fahe fali ba Áfrika, Amérika latina, inklui ASEAN iha nasaun Vietname, kafé ne’e produtu importante atu promove liután iha mundu internasionál”, nia informa.

Nia dehan, atu hasae produsaun kafé no halo reabilitasaun kafé, Governu tenke iha polítika intensifikasaun hodi hasa’e produsaun kafé iha Timor-Leste, hodi atinje meta ida, inklui produsaun kafé sa’e dupla.

“Ita apoiu, no louva  tebes ba Prezidente Repúblika (PR) nia inisiativa, tanba dezde ha’u sei iha Ministru Agrikultura, fó hatene ona katak tenke halo reabilitasaun ho orsamentu uitoan hodi hasa’e presu kafé nian, daudaun ne’e prosesu ne’e la’o hela”, nia haktuir.

Lee Mós :
ANJHN Produs Adubu Orgániku hosi Modo Aat

Tanba ne’e nia dehan, tenke promove nafatin, kafé hanesan setór primadona ida ne’ebé hatama rendimentu mai Timor, tanba realidade hatudu rendimentu rai laran primeiru mai husi mina no gas, segundu kafé.

Relasiona ho produtu sira seluk, laiha kontráriu ho kafé ne’ebé nu’udar identidade no kultura nasaun nian, tanba ne’e Prezidente Repúblika nia inisiativa atu tau fundu ne’e, tanba folin kafé ne’e merkadu internasionál.

“Ha’u hanesan deputadu ha’u sei halo proposta ida hodi apoiu liután atu tau fundu hodi halo estabelesimentu ba presu kafé nian, tanba kafé nu’udar Identidade kulturál nasaun nian”, nia subliña.

Lee Mós :
PN Autoriza Governu Aprezenta Proposta OJE 2023

Ikus nia husu ba Embaixadór sira iha fatin-fatin, no mós iha setór públiku balun, ka kompañia nia Estatál balun halai ba iha otelária tenke devia kafé Timor sai kafé prinsipál iha hotel refere, atu nune’e bele lori kafé hanesan duta ida ba mundu internasionál hodi koñese katak ne’e kafé Timor.

 2,280 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Tenke Esforsu Hasae Produsaun Kafé” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No