DILI (timorpost.com)—Banku Central Timor-Leste (BCTL), dezmina informasaun kona ba sistema pagamentu dijitál ba servisu finanseiru iha setór privadu.
Governadór BCTL Hélder Lopes hatete, banku Sentrál halo sesaun ida hodi dezmina sistema esteik older atu oinsá halo pagamentu dijitál ba servisu finanseiru no mós oinsá mak promove pagamentu ne’ebé seguru, efisiente no konfortavel ba populasaun tomak.
“Banku Central iha mehi katak, servisu hamutuk ho entidade relevante tomak liu-liu pozisaun finanseira iha Timor-Leste, ita bele promove pagamentu Dijitál, para bele fasilita prosesu tranzasaun sira iha ita rai laran, “dehan Hélder ba jornalista sira iha Novu Turizmu, Segunda (20/11).
Eis Ministru Finansas ne’e haktuir, pagamentu dijitál ne’e importante bele promove dijitál finanseiru ne’e iha ita rai laran, liu-liu oinsá atu fasilita setór privadu sira para halo pagamentu dijitál hodi nune’e bele fasilita sira nia negósiu.
“Mais ami hanoin katak tinan ida nee ita halo dezaminasaun dijitál iha Munisípiu Dili, tanba ita nia ekonomia agora daudaun konsertadu iha Dili, tanba ne’e halo iha Dili para setór privadu sira no mós ema sira ne’ebé iha Dili partisipa iha atividade ekonómiku komprende no sira bele hatene informasaun sobre oinsá atu halo pagamentu dijitál iha sira nia tranzasaun, “Hakotu.
588 total views, 3 views today
Bele hare Video Seluk :
Subscribe to Timorpost
