DILI (timorpost.com)—Fasilidade Dezenvolvimentu Merkadu (Market Development Facility MDF-sigla inglés), hamutuk ho Hotel Timor Loro Sa’e (Hotel Owners Timor Loro Sa’e, HOTL-sigla inglés), realiza workshop hodi komemora loron Turizmu Indústria: Digital Marketing ba Mundu.
Objetivu husi workshop ne’e atu hasa’e viabilidade servisu turizmu nian iha Timor-Leste liu husi utilizasaun plataforma Trip Advisor ho di’ak, no mós bele kria no hametin kolaborasaun entre fatór servisu turizmu sira, no mós kria diskusaun efetivu hodi bele fó benefísiu no vantajen ba sira nia empreza.
“Save rua hasae viabilidade fatór turizmu liu husi utilizasaun plataforma Trip Advisor no hametin kolaborasaun entre fatór servisu turizmu sira, no mós kria diskusaun efetivu hodi bele fó benefísiu no vantajen ba sira nia empreza”. Haktuir Country Diretór Market Development Facility, Drew Johnson, ba Jornalista sira iha Hotel Timor, Segunda (18/09/2023).
Diretór ne’e haktuir, MDF hala’o koordenasaun no koneksaun entre individual, empregador sira, governu no organizasaun non governamentál ho objetivu prinsipál atu promove kresimentu ekonomia inkluzivu.
“Atu promove liu tan Timor-Leste hanesan destinasaun turizmu, MDF kolabora ho asosiasaun na’in ba Hotel Timor Loro Sa’e (Hotel Owners Timor Loro Sa’e, HOTL-sigla inglés), hodi enkoraja kresimentu sustentavel membru hotelaria nian liu husi merkadorias turizmu, hasae asesu no konetividade mai Timor-Leste fahe analiza dadus no oportunidade formasaun iha area ospitalidade” Hakotu.
363 total views, 9 views today
