DILI (timorpost.com)—Konfederasaun Unidade das Organizasaun Frente Kaixa Klandestina Timor-Leste (COUFCC-TL sigla portugés) hala’o enkontru ho Vise Primeiru Ministru (MCDAS) no Ministru Koordenadór dos Asuntu Sosiais (MCDAS), Mariano Asanami Sabino hodi hato’o sujestaun oinsá mak Nuno Governu bele reforsa era organizasaun rezisténsia sira.
Objetivu husi sujestaun COUFCC-TL ba Governu atu bele lori fila fali inan-aman sira, no povu rezisténsia fila ba baze hodi haforsa sektór reprodutivu sira ne’ebé liga ba area agrikultór, Pekuária no kultura.
“Ohin MDRHC mai hasoru Governu ho tipu rua. Primeiru mai fó parabéns ba Nuno Governu Konstitusionál ne’ebé lideradu Komandante Kay Rala Xanana Gusmão, Segundu mak oinsa haforsa sektór reprodutiva iha baze ligadu ho agrikultór, Pekuária no kultura”. Dehan Prezidente MDRHC Tadeu Sebastião Sarmento ba Jornalista sira iha Palasiu Governu, Sesta (15/09).
Nia haktuir, kolia kona ba dezenvolvimentu hanesan palavra de ordem rezisténsia nian, dehan Liberta patria no liberta Povu, liberta patria alkansa ona nia objetivu, maibé liberta povu hotu-hotu kolia maibé difisil atu implementa.
“Ita ukun aan ona iha tinan 20 nia laran , maibé sei dependénsia hela ba sasán esportasaun rai li’ur, ho ida ne’e MDRHC husu ba Governu atu konsolida fali povu sira hodi hamoris area produtiva hanesan agrikultór, pekuária, Ortikultura hodi hasae ekonomia lokál rai laran” nia dehan.
Daudaun ne’e Konfederasaun Unidade das Organizasaun Frente Kaixa Klandestina Timor-Leste halo kooperativu ai-han ortikultura hanesan, fore-mungu iha Munisípiu Manufahi Postu Alas, Suku Wedauberek.
“Agora daudauk MDRHC konsege koleta ona fore-mungu hectare tolu, no falta hektar hat mak seidauk koleta. Ami iha hanoin ba futuru hakarak halo kooperativu ba iha area peska no pekuária nian maibé, Ami nia posibilidade mak seidauk too, husu ba governu bele apoiu ami ho material ho finanseiru mós”. Hakotu.
1,182 total views, 18 views today
