Ekipa Voluntáriu Husu Assanami Kandidata An Ba ba PR

by -442 views

Jornalista: Jeremias Soares

DILI-Ekipa VoluntáriuAssanami kompostu husi Movimentu Juventude, Sosiedade ba Demokrasia, “Fans” Assanami, Juventude Milenial, Juventude Digital husi Munisipiu 12 inklui RAEOA kontinua husu nafatin ba Eng, Mariano Assanami Sabino atual Prezidente Partidu PD, kandidata-an ba eleisaun Prezidensiál 2022-2027, tanba Povu no Nasaun hein hela líder jerasaun foun ne’ebé iha kapasidade, kometimentu, no konsisténsia hodi kontinua kaer metin prinsipiu no valor ukun rasik-an.

Timor-Leste presiza iha kondisaun atu transforma-an ba nasaun dezenvolvidu hanesan akontese iha nasaun sira seluk iha mundu, presiza lideransa foun ne’ebé iha vizaun no karakter estadista, hodi bele sai mata dalan ba Povu nia politika, ekonómia, sosiál, demokrásia, Justisa, no diretu umanu iha Timor-Leste.

“Nune’e, ami kontinua nafatin husu ba Eng, Mariano Assanami Sabino, atu ba kandidatu-an ba Prezidente Repúblika”, Deklara Portavóz Ekipa Voluntáriu Assanami, José da Costa, iha salaun UNITAL, Sabadu (11/12).

Haree ba Eng, Mariano Assanami Sabino hanesan lideransa jerasaun foun, ne’ebé iha kapasidade no kometimentu hodi bele fó kontinuidade ba obra jerasaun tuan Sira, hodi ka’er metin prinsípiu no valor ukun rasik-an, bazeia ba iha kometimentu no esperitu dialogu Maubisse-I no Maubisse-II, ne’ebé tenke hahu ona husi vontade popular Povu nian, hodi konkista vitória iha eleisaun ne’ebé demokratiku, justu no livre, tanba Eng Mariano Assanami Sabino, nu’udar Povu nia kandidatura, ne’ebé mai husi Povu nia Maubere.

“Ami nu’udar Ekipa Voluntáriu Assanami, sei hamutuk ho jerasaun foin sa’e sira, hodi hamutuk ho Sosiedade Timorense tomak ne’ebé kontinua firme no konfiansa hodi fó vitória ba Eng, Mariano Assanami Sabino, sai Prezidente Repúblika 2022-2027, tanba Povu no Nasaun nia esperansa no espetativa iha ita-boot nia liman”, José Afirma

José admite,  Ekipa Voluntáriu Assanami, hamriik ho firme no totalidade tomak fó konfiansa ba entidade oin-oin ho lian ida de’it hodi fó vitória ba Eng, Mariano Assanami Sabino, iha eleisaun Prezidensiál 2022.

No More Posts Available.

No more pages to load.