EE-KO Fó Impaktu ba Folin Sasán

by -7 views
Foto Google

DILI (Timor Post) — Durante governu implementa Estadu Emerjénsia (EE) no Konfinamentu Obrigatóriu (KO) ba moras hada’et Corona Virus (Covid-19), fó impaktu ba presu sasán sira iha merkadu no loja sira.

Manager Supermarket Dili Mart, Agnes Konglic Ximenes hatete, implementasaun EE ho KO durante ne’e fó impaktu boot ba folin sasán, tanba sirkulasaun negosiante ladún barak.

“Ami nia sasán, tanba garantia folin baratu iha Timor tomak. Ita hatene Estadu Emerjénsia, Serka Sanitaria no konfinamentu Obrigatóriu ne’e estraga buat barak no fó impaktu boot -tebes ba ami nia sasán ne’ebé mak tama”, haktuir Agnes ba Timor Post iha nia kna’ar fatin Dili Mart iha Bidau-Dili, Kuarta (28/07).

Nia hatutan, bazeia ba estadu emerjénsia no konfinamentu obrigatóriu ne’ebé mak fó impaktu tebes ba negosiante sira ne’e, tanba haree husi sirkulasaun sasán no produtu mós ladún tama barak, entaun forsa ba income ladún.

Agnes dehan, ko’alia kona-ba ema barak atu mai sosa ne’e iha diferente (perbedaan), tanba kompara ho antes implementa EE no KO ne’e ema barak mak ba sosa sasán maibé agora ema ladún ba sosa ona sasán iha loja no merkadu sira.

Nia deklara, ko’alia kona-ba presu sasán iha rai laran ne’e los duni folin tun hanesan bai-bain, maibé importante mak labele kontinua estadu emerjénsia no konfinamentu obrigatóriu nune’e sasán importasaun bele tama nafatin. (pj6)

No More Posts Available.

No more pages to load.