DILI (timorpost.com) — Sua Eminénsia Dom Virgílio Cardeal do Carmo da Silva SDB, liuhosi Reitór Universidade Katólika Timorense (UKT), Padre Joel Casemiro Pinto, hato’o asuntu importante rua ba Prezidente Repúblika, José Ramos Horta.
Reitór Universidade Katólika Timorense (UKT), Pe. Joel Casemiro Pinto, hatete hasoru malu ho Xefe Estadu, ne’e ajenda semenal, maibé nia reprezenta Cardeal tanba la disponível.
“Ohin ami husi Universidade Katólika São João Paulu II iha Balide, ami reprezenta mós Kardeal Virgilio do Carmo da Silva SDB mai iha ne’e, hasoru Prezidente Repúblika,” Reitór UKT, Pe. Joel, dehan hafoin enkontru ho Xefe Estadu, iha Palásiu Prezidensiál, Bairru-Pité, Segunda (05/12).
Reitór UKT, Pe. Joel subliña, iha hasoru malu ne’e ho asuntu rua, primeiru agradese ba Xefe Estadu partisipa ona iha ninia formasaun edukasionál nian iha Universidade, ne’ebé liuliu oferese ba Univesidade Katólika, livru ne’ebé utiuz tebe-tebes ba estudante sira ne’ebé sei uza iha sira nia estudu.
“Segundu ami mai mós iha momentu ne’e, ami konvida Xefe Estadu atu ba iha ami-nia Universidade iha fulan Fevereiru ou Marsu, hodi loke Ano Letivu 2023 nian, aumezmu tempu halo mós inaugurasaun ba ami-nia biblioteka,” nia informa.
Portantu, nia dehan Prezidente Repúblika, José Ramos Horta nia resposta prontu atu bele disponível, hodi hola parte iha momentu ida ne’ebá.
2,630 total views, 3 views today
Bele hare Video Seluk :
Subscribe to Timorpost
