Dili (timorpost.com) – Negosiante Arcarios Ulan, husi Rejiaun Administrativu Espesiál Oe-Kusi Ambeno (RAEOA), deside fan pulsa ho sigaru hodi sustenta nesesidade ho nia Estudu iha iha Universidade Nasionál Timor Lorosa’e (UNTL).
Nia hatete, atividade ne’e konsege sustenta nia estúdu iha Fakuldade Edukasaun, Artes no Umanidade, Departamentu Ensinu Biológia, hosi semester 1 to’o ona semester 6.
“Ha’u halo negósiu ne’e hahú iha tinan 2020, no ha’u sei iha semester 1 to’o agora mós ha’u sei kontinua faan nafatin, antes ne’e ha’u iha ona planu no ha’u kompromete pulsa no segaru ha’u sei faan to’o ha’u duku xapéo metan”, nia hateten ba Timor Post online iha Kolmera, Domingu (09/10).
Nia dehan, maski momentu iha situasun difisil komesa iha pandemia covid-19 no konfinamentu obrigatóriu nia esforsu nafatin faan pulsa ho sigaru.
Nia hatutan, iniasiativa halo negósiu liuhusi faan pulsa no sigaru, atu nune’e nia labele araska ba osan rahun hodi selu bemo, osan foto kopia, han-hemu iha kampus, osan atividade kampus nian no nesesidade báziku seluk.
Nia haktuir, Orsamentu uza ba modal total $10.00 USD, sosa uluk LA slop ida, momentu ne’ebá sigaru sei folin tuun hela, no nia sei faan iha uma de’it só faan sigaru LA de’it, iha estadu emerjénsia dahuluk nia laran, nia rai nia osan funan to’o 15,50 USD, aumenta tan sigaru surya slop ida.
No entre sigaru oin rua ne’e nia rai tan osan funan to’o 13,50 USD, pas sigaru Marlboro slop ida. No nia aumentan osan, foti hosi osan restu husi rejistu eskola nian 40.00 USD, hodi sosa pulsa atu aumenta ba sigaru hodi ba faan iha fatin públiku tanba karik sigaru de’it ema ladún sosa kecuali ema sira ne’ebé fumadór mak sosa, entaun nia aumenta pulsa para ema fuma ka la fuma mós bele sosa hotu, nia sai faan ona iha supermerkadu Meymart Fatuhada no Kolmera nian entaun ho nia modal ne’e 50 USD.
Nia hatete, faan produtu hanesan, Sigaru LA, SURYA no MALBORO no mós produtu pulsa sira ne’ebé la hanesan, hanesan Telemor 1 USD, Timor telecom 1,2,5 no 10 USD, no tekomsel 1,2,5 no 10 USD.
“Orsamentu ne’ebé ha’u uza ba negósiu ki’ik oan ida ne’e ha’u foti hosi osan restu hosi rejistu eskola nian 50,00 USD, iha tinan 2021, ha’u-nia osan modal gasta mohu tiha tanba la faan durante fulan neen nia laran momentu ha’u sei serbisu hatuun sasán sesta bázika iha Osindo hudi-laran durante fulan neen. hafoin ida ne’e mak ha’u hahú fila-fali ho modal 103,00 USD, osan ne’e ha’u foti hosi celengan, osan ne’ebé atu prepara ba estájiu profisonal nian. No to’o ohin loron grasa maromak nian ha’u uza modal total montante 400,00 USD”, Negosiante ne’e konta.
Nia relata, tempu ne’ebé nia faan iha loraik to’o kalan, karik laiha aulas, entaun ha’u faan iha loron no depende ba oráriu eskola nian ne’ebé iha.
“Iha tempu feriadu kolega sira preokupadu ba foho ha’u kontinua negósiu ne’e, sasán ne’ebé nia hetán kada loron depende ba kliente sira sosa no depende mós ba nia modal. Uluk sei modal 50,00 USD ne’e loron ida nia sempre hetan 10.00 USD, karik pulsa entaun nia funan 0,50 sentavu limanulu.
Osan funan ne’e uza selu eskola, bemo, sosa modo, sosa foos, sosa material didátiku eskola nian, sosa telemovél adroid hodi fasilita nia estudu nst.
“Ha’u-nia planu ba futuru karik ha’u seidauk hetán servisu ruma ha’u tenke kontinua faan nafatin ao mezmo tempu aplika vaga sira, karik hetán ona servisu ha’u sei loke nafatin kios oan ida para ha’u bele hamoris nafatin ha’u-nia bisnis ne’e. Ha’u durante faan lá sente mo’e, karik ita moe ne’e ba osan la’os moe ba ema, no moris iha sidade ne’e ita labele moe atu faan sasán ruma”, Negosiante ne’e dehan.
Difikuldade ne’ebé durante nia hasoru mak osan ho rendimentu ne’e mínimu tebes maibé nia nafatin ho pasiensia ho fuan boot hodi simu realidade, mais nia maneja didi’ak mak nia rezultadu henesan ohin nia sita ona.
“Ha’u-nia mensajen ba maluk joven sira ne’ebé seidauk halo negósiu, modal dahuluk mak ita-nia metal no badinas, atan ha’u husu ba ita bo’ot sira la bele moe atu faan sasán, no tenke hatoman a’an buka osan ho ita-nia kosar been rasik no aprende di’ak liután oinsá mak ita bele buka rasik (mandiri)”, nia hakotu.
2,954 total views, 3 views today
