Dili (timorpost.com) – Universidade Nasionál Timor Lorosa’e (UNTL), nia Fakuldade Edukasaun liuhusi Asosiasaun Departamentu Formasaun Profesór Ensinu Báziku (FPEB), realiza semináriu sientífiku ba Estudante sira.
Prezidente Asosiasaun Akadémiku Departamentu Formasaun Profesór Ensinu Báziku, Vasco Ximenes, afirma sira organiza atividade ida ne’e atu hasae konesimentu estudante sira nian.
“Objetivu husi organiza eventu ne’e atu bele kaderniza Estudante sira hodi bele hasae konsimentu Estudante nian, tanba ami mai ho hanoin ida katak Estudante hotu maka aprende hotu iha atividade kurikular ne’e la natoon, maibé ita presiza hasae Estudante sira-nia konsimentu liuhusi atividade Ekstrakurikulares maka hanesan ohin loron ami halo hela Semináriu Sientífiku ne’e”, nia hateten iha Liceu Auditorium, Sabadu (17/09).
Nia dehan, atividade ida ne’e seidauk sufisiente, tanba ne’e sei iha tan seluk ne’ebé sei halo iha tempu tuir mai.
Tuir dadus ne’ebé sira foti, estudante sira partisipa másimu iha atividade Semináriu Sientífiku ne’e, no Seminariu ne’e iha sira-nia mandatu hslo la’ós foin mak primeiru-vés, atividade Asosiasaun sempre hala’o kada tinan, ne’e duni ba oin sei kontinua nafatin.
Iha fatin hanesan Oradór Nivio Leite Magalhaes, afirma ohin nia hetán konvite atu sai oradór iha semináriu ida ne’e hodi ko’alia kona-ba oinsá maka sai Estudante Universitáriu ida ne’ebé kriativu ba sira-nia an.
“Ha’u iha iha topiku semináriu mós ko’alia uitoan kona-ba hanesan Estudante sira-nia Papél maka oinsá ba ida ne’e, no hanesan Estudante sira mós Juventude, tanba Papél Juventude importante tebes ba Rai ida ne’e, tanba ne’e sira tenke kontinua no kontribui liuliu ba libertasaun Povu ninian. No mós hanesan Estudante sira tenke ema di’ak ho iha disiplina no prepara an didi’ak ba oin bele Timor-Leste sai nasaun ida ne’ebé dezelvolvidu.
“Ho nune’e ha’u-nia esperansa katak estudante sira ne’ebé tuir hela semináriu ida ne’e, depois labele rai de’it iha sira-nia an, maibé karik iha informasaun balun ne’ebé sira sente di’ak no iha importánsia sira bele cabe ba ema seluk.
Tan ne’e, nia dehan, matéria di’ak ne’ebé aprende iha teoria tenke pratika, labele rai de’it iha idak-idak nia an, tanba fahe matenek bele kontribui ba dezenvolvimentu povu no nasaun.
2,508 total views, 3 views today
