DILI (Timor Post) – Sekretariu Jerál Partidu Frente Revolusionáriu Timor-Leste Indepedente (FRETILIN), foin loron dahuluk sama-ain iha universidade Dili (UNDIL).
Vise Reitór III UNDIL, Hugo da Costa, hatete sira ho esperansa boot ba prezensa Sekretáriu Jerál nu’udar konvidadus espesiál iha UNDIL.
“Ami nu’udar profesór, no estudante hosi Universidade Dili (UNDIL), ho orgullu bo’ot ba Sekretariu Jerál Mari Bin Amudi Alkatiri nia prezensa,” nia diskusru iha Universidade Dili (UNDIL), iha maskarinas, Tersa (23/08).
Nia dehan, prezensa iha ne’e atu ko’alia ba estudante sira koba-ba programa ba valores Demokrasia iha Prosesu Dezenvolvimentu Nasionál, oinsá mak bele halo define didi’ak ba planu ne’ebé durante sira hanoin, oinsá bele ezekuta hodi kumpre prioridade hot-hotu.
Hosi Universidade halo programa ida ne’e, oinsá mak bele rezolve situasaun ne’ebé esensiál, hodi moderniza valores dezenvolvimentu ekonómiku Rai laran.
“Tanba polítika tenke iha sentidu de misaun maibé tenke iha vizaun ne’ebé adekuadu, tanba tempu to’o ona atu kumpre ita-nia misaun, hodi rezolve kondisaun ne’ebé aat sai di’ak”, nia hateten.
Nia dehan, partidu parte ketak, maibé nu’udar Lider Sira sempre fiar no tau laran, oinsá bele lori nasaun ne’e ba oin, ida ne’e mak prinsípiu nu’udar povu nia hakarak.
“Grande orgulloza tanba Lider ne’ebé nunka mai vizita eskola universidade Dili, ohin Loron 23 Fulan Agostu 2022, bele mai haree ona kondisaun no situasaun durante Universidade privadu ne’e rasik enfrenta”, nia informa.
Prinsípiu ida ba Lider Nasionál hanesan Sekretáriu Jerál CCF, Mai atu fó konesimentu idelojia kona-ba oinsá hanorin jerasaun foun sira, hodi valoriza prinsipiu demokrasia, iha prosesu dezenvolvimentu nasionál, ida ne’e mak sai prioridade ba Universidade hodi konvida lider Maria Bin Amudi Alkatiri sama ain mai vizita eskola refere.
Nia dehan, hanesan estudante sira presiza hatene, oinsá mak bele halo desizaun ida hodi valoriza prinsípiu demokrasia sai buras liután iha situasaun nasaun RDTL, Primeiru labele tauk atu halo desizaun, maibé antes halo desizaun presiza iha espiritu Nasionalizmu no Patriotizmu, nune’e bele halo dezenvolvimentu adekuada ba povu hotu nia hakarak.
“Ami esperansa teb-tebes, tanba foin Primeira-véz nu’udar lider rezisténsia ba libertasaun Patria, bele respeita ami-nia hakarak, ohin loron bele sama-ain mai iha universidade Dili (UNDIL), hodi fahe nia matenek no sabedoria ba ami atu obedese,” nia hakotu.
2,809 total views, 3 views today
Bele hare Video Seluk :
Subscribe to Timorpost
