FDCH Sei Haruka Dosente 48 ba Estudu iha Portugal

Mario da Costa - Edukasaun · Internasional
Reportajen : Ermelinda Caet
Editor : Mario da Costa
  • Share

Dili (Timor Post) – Fundu Dezenvolvimentu no Kapital Umanu (FDCH) sei haruka tan Dosente na’in-48 husi Universidade Privada ba hala’o estudu ka kontinua kursu iha Portugal.

“Dosente sira husi Universidade Privada iha Timor laran tomak na’in-48, ne’ebé tuir hela kursu intensivu ba Lian Portugés, FDCH halo hela prosesu ba sira-nia dokumentu, sira sei aranka ba iha Portugal iha Setembru nia laran,” Diretór Ezekutivu Fundu Dezemvolvimentu no Kapital Umanu, Cristovão dos Reis, hateten iha salaun Delta Nova, Kinta (28/07).

ADVERTISEMENT
SCROLL FILA BA NOTISIA

Nia dehan, Dosente na’in-48 ne’e foti kursu tuir nesesidade Universidade ida-idak nian ka Instituisaun Privada nian, kursu ne’e sira rasik mak deside, na’in-48 ne’e sei komunika ho Universidade sira ne’ebé iha Portugal hanesan Universidade Evora, Koimbra, Portu, Dominiu ho Universidade sira seluk ne’ebé sei iha prosesu nia laran hela sidauk fiksu.

Lee Mós:
Sidadaun iha Portugál Toba Estrada, MNEK Tula Responsabilidade ba Ajénsia

Cristovão hatete, kongresu ne’ebé FDCH halo nu’udar instituisaun Estadu Governu nian ne’ebé harii iha tinan 2011, FDCH fó bolsa ba Timor Oan hala’o sira-nia estudu ne’e hamutuk 8.000 resin husi nivel Diploma to’o Doutoramentu.

Enkuantu tuir númeru ne’ebé to’o ohin loron ba Doutoramentu na’in-150, nivel Mastradu na’in-700 resin no restu Diploma Basarelatu to’o Lisensiatura husi sira ne’e Gradua ona 4000 resin, no ne’ebé sei ativu hela 4000 resin, ne’e husi tipu bolsa Hakbi’it, Parsial, Por Méritu ba joven sira.

Lee Mós:
TL Sei Apoiu Rihun $300 Ba Guiné Bissau

Nia esplika, Orsamentu ne’e por volta 400 mill resin ba Dosente 48 resin ne’ebé tuir ida-idak nia haree atu foti kursu formasaun balun ba iha Lian Portugés, Saúde, Direitu ba areas hot-hotu ne’ebé sira-nia Universidade sira nesesita.

Dosente na’in-48 ne’e husi Universidade Privada hotu iha Timor laran tomak la’ós hanesan Universidade Públiku Universidade Nasional Timor Lorosa’e (UNTL) no mós la’ós Institutu Politekniku Betanu (IPB).

Lee Mós:
Governu Rekoñese Timoroan Balun Abandona iha Portugál

“FDCH servisu hamutuk ho lina ministeriais iha Timor laran tomak ne’ebé sira-nia funsionáriu sira ne’e ba tuir formasaun iha Rai Laran no iha rai li’ur, ne’e finansiamentu husi FDCH tuir planu programa atividade no orsamentu ne’ebé mai husi Lina Ministeriál sira ida-idak nian,” nia hakotu.

 281 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “FDCH Sei Haruka Dosente 48 ba Estudu iha Portugal” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: