ADVERTISEMENT

AJHJ-TL Halo Sensebilizasaun Asesu Justisa Formál ba Estudante Sira

Mario da Costa - Edukasaun
Jornalista : Estaziada Ermelida Caet
Editor : Mário da Costa
  • Share

Dili (Timor Post)-Asosiasaun Juventude Hakbiit Justisa Timor-Leste (AJHJ-TL) halo Sensibilizasaun iha Eskola Paróquia São Pedro, Komoro kona-ba Asesu Justisa Formal iha Timor-Leste.

“Objetivu sosializasaun ida ne’e oinsá atu sosializa matéria sira kona-ba asesu justisa formál iha Timor-Leste no ba ita-nia estudante sira oinsá bele hatene asesu justisa formál iha Timor-Leste liuliu oinsá ita asesu ba Tribunál ne’ebé eziste iha ita-nia Estadu direitu demokrátiku ida ne’e”, Prezidente Asosiasaun Juventude Hakbiit Justisa Timor-Leste (AJHJ-TL), Jefri Nouili Ricardo, dehan hafoin remata serimónia Sosializasaun iha Eskola Paróquia São Pedro Komoro Sábadu (09/07).

ADVERTISEMENT
SCROLL FILA BA NOTISIA


Jefri esplika,  sosializasaun ida ne’e dahuluk sira husi Asosiasaun Joventude Hakbiit Justisa Timor-Leste (AJHJ-TL) ne’ebe estabelese sira-nia asosiasaun ida ne’e iha tinan 2021, sira-nia Asosiasaun kompostu husi Estudante UNTL, UNPAZ no UNDIL, Fakuldade direitu hotu.

Lee Mós :
Profesór Sira Vasina Hotu, Eskola Reativa

Tanba ne’e estabelesimentu ida ne’e sira halo atividade lubuk tiha ona, no ohin loron sira kontinua no konsege halo sira-nia sosializasaun kona-ba asesu justisa formál iha Timor-Leste iha eskola nivel sekundáriu eskola paróquia são Pedro Komoro no mós ba oin sei halo tan iha Komunidade no sosiedade sira inklui Munisípiu sira hotu, atu nune’e sira bele hatene komprende asesu ba Justisa Formál iha Timor-Leste.

Nia Konta, durante sira serbisu hamutuk ho organizasaun interno governamental Goodbye Konflict And Welcome Development, ne’ebe sai hanesan sira-nia parseiru importante ba sira-nia atividade hotu.

“Ami-nia sosializasaun ida ne’e ami laiha parte relavanta ruma mak apoiu, maibe atu ko’alia kona-ba parte Governu nian ohin ami konvida parte sosiedade sivíl mós laiha, tanba la konvida sira, maibe ami-nia sosializasaun ida ne’e konvida liu ami-nia Parseiru Organizasaun interno governamental Goodbye Konflict And Welcome Development, tanba sira mak sai hanesan parseiru importante hodi hamutuk ho ami-nia atividade Sosializasaun ida ne’e”, nia relata.

Lee Mós :
Estudante UNPAZ Rona Eskluzivamente Progresu Greater Sunrise

Alende ne’e Estudante Sekundáriu husi Eskola Paróquia São Pedro Komoro, ne’ebe husi tinan 10, kuaze 40 mak Partisipa iha atividade Sosializasaun Kona-ba Asesu Justisa Formál iha Timor-Leste.

Iha Fatin hanesan Nu’udar Estudante husi Eskola Paróquia São Pedro Komoro, Delia Do Santos Neves, afirma nia hanesan Estudante nia sente Orgulu tebes tanba bele Partisipa iha eventu ka atividade ida kona-ba asesu Justisa Formál iha Timor- Leste.

“Tanba liuhusi atividade ida ne’e bele aumenta ami-nia konhesimentu kona-ba Justisa Formál nian, no oinsá fó formasaun no sira-nia hanoin mai ami, atu nune’e ami bele sai joven ida ne’ebé iha konhesimentu iha Justisa, Direitu no mós oinsá maka ami bele ba oin sai hanesan lideransa ruma karik ami bele sai lideransa ne’ebé di’ak no fó benefisiu no vantajen ba ami-nia rai rasik”, nia hateten.

Lee Mós :
Previzaun Solar Eclipse Sei Akontese Iha TL Iha Tinan 2168

Ba eventu ida ne’e di’ak, tanba nia haree istória ida iha nasaun Afrika nian ne’ebé primeiru sira nasaun ki’ak no iha funu barak maibe agora sira sai nasaun ida ne’ebe Dezenvolvidu makas.

“Entaun liuhusi ida ne’e esperansa tebes ba ha’u maka oinsá Timor-Leste ba oin mós bele hanesan ho nasaun Afrika no nasaun sira seluk”, nia tenik.

 1,587 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “AJHJ-TL Halo Sensebilizasaun Asesu Justisa Form…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No