EDTL Sei Monta Iluminasaun Iha Sidade Munisipiu Hitu

by -3.368 views
Ilustrasaun

DILI (Timor Post)—Prezidente Eletrisidade de Timor- Leste, Empreza Publika (EDTL.EP), Paulo Silva, informa EDTL planea sei monta lampu jalan (iluminasaun) iha sidade kapitál munisípiu hitu.

No iha loron Kinta (21/10) ne’e, Prezidente EDTL.EP, Paulo Silva, halo audiénsia ho Primeiru Ministru, Taur Matan Ruak, hodi relata programa refere.

“Ba tinan ida ne’e, ita halo programa iluminasaun sidade kapitál ba munisípiu hitu, ita hala’o tiha ona konkursu, agora iha faze avaliasaun nia laran, Baukau ita arranka uluk, ne’ebé iha ona manan na’in, tanba planu sua exelénsia Prezidente Repúblika sei selebra loron 28 Novembru iha Baukau, entaun ita hahú uluk ida ne’e, restu sei iha faze avaliasaun dokumentu,” Paulo informa hafoin remata audiénsia ho PM Taur, iha Palásiu Governu.

Munisípiu hitu ne’e, mak hanesan munisipíu Baukau, Likisá, Dili, Lospalos, Manatutu, Covalima, no mós Manufahi.

“Iluminasaun kada munisípiu, ninia kustu diferensa, ha’u la lembra nia montante, mais total hamutuk por volta dois millaun, prevee iha OJE tinan ida ne’e,” Paulo afirma. (jry)

No More Posts Available.

No more pages to load.