Durante SerSan Laimplika Servisu Estensionista

by -43 views
Estensionista Sira Antuziasmu Rona Esplikasaun. Foto TP/Caetano C. Guterres

Reporter Caitano Guterres/Editór Orlando Oki

BAUKAU (Timor Post)—Durante implementasaun estadu emerjénsia ho Serka Sanitaria (SerSan) la fó implikasaun servisu ba estensionista sira iha terenu tanba estensionista hanesan ema téknika ne’ebé la halibur ema barak.

Iha abertura enkontru regular entre agrikultura munisípiu ho To’os ba Moris Diak (TOMAK), diretór Servisu Munisipál Agrikultura, Moises Lobato, hatete durante implementasaun estadu emerjénsia ho SerSan la fó implikasaun servisu ba estensionista sira iha terenu tanba estensionista hanesan ema téknika ne’ebé la halibur ema barak.

“Maski ita hatene durante ne’e ita iha Baukau implementa estadu emerjénsia ho serka sanitaria maibé atividade iha lapangan kontinua la’o tanba la halibura ema barak soke ita la iha mak enkontru sira hanesan agora daudauk ita hala’o”, hatete Moises ba partisipante sira iha salaaun Uma Dame Vila-Nova Baukau, Tersa (29/06).

Nia afirma, durante servisu hamutuk TOMAK ho parte servisu munisipál agrikultura, liuliu estensionista sira iha munisípiu Baukau konsege fó duni rezultadu koileta ne’ebé benefisia ba agrikultór sira, tanba ezemplu produtu hortikultura hanesan Forerai tama iha merkadu nasionál.

Moises esplika, durante implementasaun estadu emerjénsia no serka sanitaria hosi fulan Marsu to’o Juñu tinan ne’e kontinua hatudu progresu servisu iha terenu, tanba estensionista sira kontinua hala’o asistensia tékniku ba grupu to’os na’in sira hodi hasa’e produsaun produtu lokál.

Iha tempu hanesan, jerente TOMAK munsípiu Baukau, Isac Ribeiro Ximenes, hatete objetivu husi enkontru regular ho estensionista sira atu partilla informsaun  kona-ba progresu servisu durante fulan haat ho asistensia tékniku estensionista nian iha suku.

Nia afirma, iha enkontru regular ne’e atu partilla ba malu progresu no dezafiu ne’ebé hasoru durante fulan haat nia laran relasiona implementasaun estadu emerjésia no serka sanitaria nune’e ba futuru TOMAK bele apoiu liu tan servisu estensionista iha baze.

Isac esplika, iha enkontru regular ne’e atu partilla mós progresu atividade ne’ebé durante hala’o mak hanesan progresu programa nutrisaun, progresu programa rai no empresta no grupu sira inklui progresu agrikultura nian hanesan fore rai, li’is mean no haree mean.

“Objetivu enkontru regular Tomak, SMA ho estensionista sira atu partilla informasaun kona-ba progressu ne’ebé estensionista sira hala’o nia knar durante fulan haat fó asistensia téknika ba grupu to’os na’in sira iha postu administrativu neen”, hatutan nia.

Durante estadu emerjésia no serka sanitaria kona-ba progresu saida mak sira atinji, progresu atividade ne’ebé estensionista sira partilla liuliu ba progresu atividade nutrisaun ne’ebé durante ne’e sira apoiu grupu to’os nain.

Entretantu, reprezentante estensionista, Juliana Moreira Freitas, hatete durante servisu hamutuk ho parseiru TOMAK hahú iha tinan 2018 to’o agora fasilita treinamentu no fasilita fini hortikultura nian ba nesesidade grupu agrikultór hodi motiva sira atu produs barak liu tan.

Nia haktuir, durante implementasaun estadu emerjénsia no serka sanitaria la sai obstaklu ba sira hanesan ema estensionista tanba hanesan ema tékniku kampu kontinua fó asistensia tékniku agrikutura nian hanesan bai-bain.

“Ha’u nia haree durante servisu hamutuk fasilita ona material ba ita nia grupu agrikultór sira hodi nune’e grupu sira kontinua iha interese atu produs, no durante implementasaun estadu emerjénsia ho serka sanitaria ba ami la iha ida ne’e maibé ami hanesan ema tékniku lapangan kontinua hala’o asistensia tékniku ba ita nia agrikultor sira”, dehan Juliana.

Enkontru regular ne’e realiza husi parseiru TOMAK, partisipante sira partisipa másimu hosi diretór SMA, xefe departemtu balun inklui estensionista hosi postu administrativu neen iha munisípiu Baukau.(Lee Notísia Seluk Iha Jornál Diáriu Timor Post)

No More Posts Available.

No more pages to load.