Don Virgílio Ordena Diákonu Na’in-Haat sai Amu Lulik, “Hau Neon Haksolok, iha Maromak Ha’u mak Soin”

by -1.118 views
Selebrasaun Misa Ordenasaun iha Igreja Imaculada da Conceição, Katedrál-Dili. Foto: Racom Maubisse Mauloko

DILI (Timor Post)—Arsebispu Arkedioseze Metropolitana Dili, Don Virgílio do Carmo da Silva, SDB, ordena Diákonu Diosezanu na’in-haat sai Amu Lulik/Padre iha Igreja Imaculada da Conceição, Katedrál-Dili, Sesta (22/10/2021).

Padre na’in-haat ne’e mak hanesan, Élio da Costa Nunes no Inocencio Barreto Lopes hosi Parókia Nossa Senhora Imaculada da Conceição Maubisse (PICOMA), Carlos Miguel Pereira Lopes hosi Parókia Sagrado Coração de Jesus Becora no Florindo de Jesus, hosi Parókia Saun Pedro ho Saun Paulo Aileu.

Don Virgílio iha omília husu ba Amu foun na’in-haat atu hala’o kna’ar ho badina no didi’ak. No husu ba família no sarani kreda Katóliku atu reza nafatin ba Amu foun na’in-haat atu haklaken Maromak nia lian.

Misa ordenasaun ne’e monu iha loron selebrasaun São João Paulo II.

“Amu Lulik atu haklaken Maromak Nia Lia Fuan, presija hala’o knaar ho badinas iha tempu di’ak nune’e mós iha tempu susar ho sentidu responsabilidade no iha santidade,” Don Virgílio subliña iha omília.

Partisipa iha misa ordenasaun ne’e ho tema “Hau Neon Haksolok, iha Maromak Ha’u mak Soin”, Bispu Dioseze Baucau, Don Basílio do Nascimento, Bispu Dioseze Maliana Don Norberto do Amaral, Vigáriu Jerál-sira hosi dioseze tolu, Padre, Madre, Família no sarani. (cao)

Padre Carlos Miguel Pereira Lopes

 

Padre Florindo de Jesus

 

Padre Élio da Costa Nunes

 

Padre Inocencio Barreto Lopes

No More Posts Available.

No more pages to load.