Don Virgilio Husu Sarani Implementa Programa Espiritual Tolu Durante Kuarezma

by -708 views
Pe, Paroku Santo António Motaél, Guilhermino da Silva, marka ahu kdesan iha joven ida nia rentos, iha misa kuarta feira santa ne'ebe halao iha Igreja Motael, (02/3), foto TP/Maria Lizia

(Reportajen Gilberto dos Santos/Olga Soares/ Editor Mateus da Cruz)

Dili (Timor Post)- Arsebispu metropolitana Dioceze Dili, Don Virgilio do Carmo da Silva SDB,, konvida sarani hotu atu halao programa tolu durante tempu kuarezma.

“uma kreda konvida sarani sira atu bele prepara an hodi selebra didi’ak festa paskua nee, iha prepara an nee mak uma kreda propoin programa espiritual tolu ba sarani sira atu implementa, ida halo karidade, ismola tuir fali harohan ka hadera an no jejum,”amu bispu dehan hafoin remata selebrasaun misa sinzas iha parokia Imaculada Conceição katedral. kuarta (02/03).

Amu Bispu hatete festa paskua ne’e festa ida ne’ebé boot iha liu hotu iha kalendariu leiturjia uma kreda nian, tanba ohin sarani hotu selebra Jesus Kristu nia terus, nia mate no nia moris hias.

“Tinan-tinan selebra ho kose ahu kedesan ba sarani sira nia reen toos nee fó hanoin fila fali ba ema hotu katak moris mai husi rai sei fila fali ba nia finalidade, katak ita nee uluk mai husi rai sei fila fali ba rai, maibé liuhusi ida nee atu fó hanoin mai ita, katak iha rai nee koko atu moris tuir kriatura maromak nian”, dehan tan.

Arsebispu hatete, iha loron sesta feira nee katak, sarani sira labele han nan, iha loron kuarta feira no sesta feira nee sarani sira lá halo festa no lá hán nan, nee importante, hahu husi joven idade 14 to’o katuas ferik.

Alende nee iha sesta feira, hahu ho viasakra no misa domingu-domingu hodi prepara ba loron 40 nee no ba Jesus Kristu nia moris hias.

Tempu Atu Hahú Hadi’a Relasaun ho Maromak

Pe, Paroku Santo António Motaél, Guilhermino da Silva, liu hosi nia omilia iha misa kuarta feira sinza, hatete, hahú hosi ahu kdesan ne’ebé marka sinal kruz hosi nai luluk sira ba iha ema ida-idak ninia rentos hatudu katak ema idaidak prontu ona atu lori cruz kuarezma nian liuhosi jejum abstinesia durante loron 40 molok tama ba festa paskua.

“Ohin mundu  reliziaun katólika inklui Timor-Leste, realize misa kuarta feira sinza molok atu tama ba tempu kuarezma, kuarezma hanesan tempu grasa ba uma kreda katólika, atu hahú hadi’a ita nia relasaun no nia maromak, liuhosi asaun jejum no abstinesia,” Amu Guilhermino hatete, iha Igreja Motael, Kuarta ne’e.

Tama ba tempu Kuarezma sei hala’o jejum durante semana 6 nia laran, kada semana iha loron 6 nia laran, la sura loron Domingo, loron Domingu konsidera loron nai jesus nia moris hias nian ka loron ksolok nian, loron refere sarani katólika sei la halo jejum no abstinesia.(Lee notísia seluk iha jornál Timor Post/asesu you tube Timor Post)

No More Posts Available.

No more pages to load.