DNTT Sei Aplika Sansaun Todan ba Kondutór Mikrolete

by -10.266 views
Imajen Google

(Reportajen Amelia Babo/Editor Mateus da Cruz)

Dili (Timor Post)–Diretór Diresaun Nasionál Transporte Terrestre, Antonio da Costa, husu ba pasajeiru sira liu-liu estudante sira atu hato’o keixa ba Diresaun Nasionál Transporte Terrestre no Polísia Nasionál Timor Leste (PNTL) bainhira iha kondutor mikrolete balun maka hasa’e tarifa sentavu 20 ba estudante sira.

“Ha’u husu ba pasajeiru sira karik kondutór transporte públiku sira hasae tarefa no presu karreta nian husu atu ba hato’o keixa mai iha DNTT no parte polisia hodi bele buka tuir transporte públiku ho númeru plat,”nia dehan ba Jornalista Timor Post iha nia knaar fatin, Kuarta (27/40.

Nia hatete, Kondutór ne’ebé maka kontra regra, DNTT sei  fó sansaun liu-husi multa osan ka bele muda sira nia plat transporte públiku nian ba transporte privadu hodi nune’e sira labele halo movimentu ba mai hodi tula pasajeiru sira.

“Pasajeiru iha direitu atu hato’o keixa mai iha DNTT no polisia hodi bele buka tuir karreta refere nia paradeiru no nia plat hodi muda karreta refere nia plat ba transporte privadu hodi nune’e labele sirkula ba mai hodi tula pasajeiru sira,” nia deklara.

Tanba karreta refere la kumpre regra ne’ebé DNTT rasik fó sai maski ita hotu hatene katak mina kombustivel folin sa’e iha merkadu maibé problema ne’e mundiál la’ós Timor maka afeta ba situasaun ne’e.

Nune’e dala ida tan nia husu ba kondutór sira no na’in ba transporte públiku sira nafatin mantein labele hasa’e tarefa tuir sira nia hakarak hodi impede estudante sira nia movimentasaun iha tempu ezame nia laran. (Lee Notísia Seluk Iha Jornál Timor Post/ Asesu You Tube Timor Post)

No More Posts Available.

No more pages to load.