DNSP-MS Servisu Hamutuk Haforsa Edukasaun Saúde Ambientál

by -122 views
Diretór Nasionál Saúde Públiku, Frederico Bosco. Imajen TP,/Cardenio Alves

(Reportajen Cardenio Alves/Asistente Editor Hermenegildo da Costa Tilman)

Dili (Timor Post)—Diresaun Nasionál Saúde Públiku (DNSP), ohin hala’o enkontru ho Ministra Saúde, Odete Maria Freitas Belo, kona-ba haforsa profisaun edukasaun saúde ambientál.

Diretór Nasionál Saúde Públiku, Frederiku Bosco, hatete, edukasaun saúde ambientál importante ba doutór sira hodi mantein sira nia kapasidade profisionalizmu iha ámbitu servisu saúde nian haforsa diagnóstiku.

“Iha fatór lubuk ida mak bele halo intervensaun husi parte edukasaun saúde ambientál nian, ne’ebé ko’alia kona-ba produsaun edukasaun saúde, kontrolu doutór nian no haforsa diagnóstiku.” nia dehan iha Hospital Nasionál Guido Valadares, Kinta, (12/05).

Tuir nia, atu mantein nafatin ba fatór tolu ne’e presiza konxiénsia husi an liu husi ita nia esforsu sira, tanba ita iha mudansa de tempu no mós klimátiku, iha bailoro, udan, tanba ida ne’e ita presiza hatene.

“Haree husi fatór sira ne’e parte saúde, nafatin husu apoiu husi parte lider komunitaria sira no envolvimentu husi komunidade sira hodi nafatin reativa ekipa hodi halo kontrolu no sosializasaun kona ba saúde di’ak ba kada munisípiu, suku no aldeia sira” dehan.

Nia afirma, kona ba kazu dengue ne’ebé mak sa’e maka’as, nia parte nafatin halo advokasia ba ministériu relevante sira liu-liu Ministériu ne’ebé relasaun ho meiu ambiente ninian hodi buka atu nafatin serve ho kapasidade tomak iha parte saúde nian ba komunidade sira.

“Parte saúde nia kompeténsia atribui ba ita bazeia ba lei, oinsá atu kolabora entidade relevante sira atu define estratéjia polítika ho preparasaun ne’ebé tenke másimu liu husi edukasaun saúde hodi halo kontrolu di’ak ba doutór sira iha parte diagnostika”, nia dehan. (Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.