Diretór Klínika HNGV Esplika Prosesu Fó Salvasaun Ba Dom Basílio

by -3.394 views
Bispu Diocese Baukau Dom Basílio do Nasimento, Pr.

(Jornalista Jaime Pires/editor Suzana Cardoso)

DILI (Timor Post) – Diretór Klínika Hospital Nasionál Guido Valadares (HNGV), dr. Marcelino Correia hatete, Bispu Diocese Baukau Don Basílio do Nascimento Martins,Pr hakotu is iha dalan mai HNGV.

Lee Notisia Relevante: Kronolojia Bispu Dom Basilio Hakotu Is

Hateten dr. Marcelino ba Jornalista iha HNGV sala mortuariu hafoin konfirma kona-ba Amu nia mate, Sabádu (30/10) katak, Amu Basílio nia moras ne’e horisehik, Sesta (29/10)  akontese iha Suai, depois sira evakua ba Hospital Suai, tanba moras fuan Taquicardia Ventricuar .

“Depois sira iha Suai kontaktu mai HNGV. Entaun haruka doutór espesiál na’in rua; ida husi Intensive Care Unit (ICU) no ida seluk doutór hosi Kardelojia mak ba kedas Hospital Suai. To’o iha ne’ebá Amu Bispu Basílio nia kondisaun kontinua ladi’ak nafatin. Maibé ohin dadeer Amu Bispu Basílio konsege ko’alia di’ak, nune’e maka tula nia sa’e aviaun,” esplika dr. Marcelino.

Maibé bainhira Amu Bispu Basílio tun iha Aeroportu Komoro katak dr. Marcelino, komesa soke maka’as, entaun iha dalan doutór bomba Amu Bispu Basílio nia fuan. To’o iha HNGV médiku sira kontinua esforsu. Maibé fuan la resposta nafatin.

Lee Notisia Relevante: BREAKING NEWS: Amu Basilio Hakotu Is

Katak dr. Marcelino, doutór sira lori sai husi Suai transporta mai Dili iha tuku 10:00 dadeer OTL. No too iha Aeroportu Komoro, maize menus iha tuku 10:30 dadeer.

“Ohin is kotuk los, iha HNGV maize menus  tuku 11:45 meiudia ne’e. Ohin tula ho aviaun ne’ebé baibain tula moras, aviaun NAF,” esplika dr. Marcelino.

Enkuantu Amu Bispu Don Basílio nia mate isin sei lori ba tau iha igreja Katedrál Nosa Senhora Imaculada Conceisão Dili, hafoin ne’e iha loron Domingu, (31/10) sei lori ba Katedrál Baukau hodi halo serimónia funebre nian.(***)  

 

No More Posts Available.

No more pages to load.