Dioseze Baukau Lansa Komunikadu, Padre Martinho Nu’udar Legio

by -1.301 views
Martinho da Silva Gusmão

Dili (Timor Post)—Amu Papa Francisco offisialmente hasai Padre Martinho Gusmão nu’udar nailulik liuhosi Kongregasaun Evanjelizasaun ba Povu ho númeru protokolu nú. 3593/21.

Desizaun ne’ebé Papa Francisco foti ba oin Padre Martinho husik ona ninia knaar tuir nia rasik husu iha loron 25 Janeiru 2020 ba Amu Bispu Don Basilio do Nascimento (matebian) demisaun ba mistériu saserdotál.

Relasiona ho desizaun Papa Francisco ne’e, Dioseze Baucau, Kámara Ekleziastika Largo Katedrál Timor Orientál, fó sai ona komunikadu hodi informa ba públiku liuliu padre, madre, relijiozu no sarani tomak katak Padre Martinho labele hala’o ona nia kna’ar nu’udar padre iha Igreja Katólika no nia hanesan legio baibain ka kontinua nafatin fó testamuña fiar hanesan sarani di’ak.

Martinho da Silva Gusmão  simu Sakramentu Presbiterál iha 08 Setembru 1998, no iha loron 13 Outubru 2021 labele hala’o ona kna’ar ne’e. (cao)

No More Posts Available.

No more pages to load.