DILI, (timorpost.com)—Prezidente Assosisaun Futeból Dili Leste, Aleixo Cobra, hatete laiha fatin ba Grigório Correia ba fali Sekretáriu Jerál Federasaun Futeból Timor-Leste (SekJer-FFTL) tanba Grigório Correira antes ne’e rejigna-an ona husi kargu refere.
“Ha’u haree Sekretáriu Jerál Federasaun Futeból Timor-Leste, Grigorio Correia, ne’ebé rejigna an ne’e ba fali ona, ne’e labele, nia laiha fatin ba sekretariu jerál tanba nia rasik maka rejigna an ona”, Prezidente Assosisaun Futeból Dili Leste, Aleixo Cobra, levanta kestaun ne’e ba Timor Post, iha nia rezidénsia Bairru dos Grilos, Domingu, (19/11/2023).
Tanba ne’e, Aleixo Cobra, hatete assosiasaun futeból sira sei halo protestu hasoru Sekjen FFTL ne’ebé maka rejigna-an tiha, agora fila-fali ba asumi kargu ne’ebé nia husik ona ne’e.
“Nia, Grigório lakohi Sekretáriu Jerál ne’e maka rejigna-an ona, ne’ebé nia ba fali asume ami sei halo protestu hasoru nia”, Aleixo Cobra, lamenta
Tuir Aleico Cobra katak, see Prezidente interiñu FFTL maka foti desizaun bolu eis Sekretáriu Jerál FFTL ne’ebé rejigna-an ona husi nia kargu, ne’e loloos laiha kompeténsia atu halo rekrutamentu, labele foti desizaun, no labele hasai ema ruma iha FFTL.
“Prezidente Interiñu FFTL ne’e laiha diréitu atu foti desizaun, nein halo rekrutamentu ruma, no labele hasai ema ruma”, tenik Aleico Cobra.
Aleixo Cobra, hatete, Prezidente interinu FFTL atu prepara kondisaun ruma husi loron 10 fulan-Novembru to’o 10 Janéiru para realiza kongresu, la’os foti fali ema ida rejigna-an ona ba fali asume ninia kargu, ne’e labele.(*)
804 total views, 6 views today
Bele hare Video Seluk :
Subscribe to Timorpost
