Dili(timorpost.com)–Prezidente Federasaun Futeból Timor-Leste (FFTL), Francisco Jerónimo, dehan Asosiasaun Futeból Munisípiu tolu mak sei la partisipa iha kompetisaun Taxa FFTL-TELKOMSEL Cup 2023.
Nia dehan, Asosiasaun Futeból Munisípiu tolu ne’e sei la partisipa, tanba hosi data rejistrasaun jogadór inisiu to’o remata sira la rejistu sira nia jogador sira, entaun Asosiasaun Futeból munisípiu tolu refere sei la partisipa iha kompetisaun Taxa FFTL Telkomsel Cup Sub-17 2023.
“Asosiasaun tolu ne’ebé mak la partisipa ne’e ida mak Dili Leste, Asosiasaun Futeból munisípiu Ainaru, no Asosiasaun Futeból munisípiu Lautem, tanba sira la rejista jogadór, entaun sira sei la partisipa jogu ne’e”, hatete Prezidente FFTL, Francisco Jerónimo, ba jornalista sira iha FFTL, Sábadu (03/06).
Nia reforsa, tanba ne’e eventu Taxa FFTL Telkomsel Cup U-17 ne’e sei partisipa de’it hosi Asosiasaun Futeból munisípiu 11 de’it mak partisipa iha períodu 2023 ne’e.
“Sira hamutuk 11 atu partisipa mak hanesan Asosiasaun Dili Weste, Asosiasaun munisípiu Manatutu, munisípiu Baukau, munisípiu Vikeke, Ermera, Kovalima, Likisá, Manufahi, Bobonaru, Aileu no Oekusi”, nia deklara.
Tanba ne’e regra ka prosesu normál molok ba joga iha kampu nian, entaun se mak kontra ka la prenxe Rekizitu sira ne’e, sira sei la partisipa, tanba hotu-hotu tenke iha obrigasaun hodi prenxe rekizitu hirak ne’e.
Tuir Kalendáriu kompetisaun refere sei hahú iha fulan Juñu tinan ne’e, eventu Taxa FFTL Telkomsel Cup U-17 refere sei hahú hosi nivel munisípiu hodi halo selesaun hodi kontinua ba iha nivel rejionál hafoin mai iha Nasionál.
“Ita nia Kalendáriu ne’ebé mak iha, sei realiza iha fulan Juñu ne’e nia laran, maibé loron ami sei deside ikus iha semana ne’e nia laran, hafoin bele fó sai fali ba públiku, maibé iha fulan Juñu ne’e nia laran”, nia hakotu.
1,722 total views, 3 views today
Bele hare Video Seluk :
Subscribe to Timorpost
