ADVERTISEMENT

Filipe Nia Hahalok, Hafalla SLB Nia Vitória Kontra Portu Taibessi

Augusto Sarmento - Desportu
Jornalista : Jaime Pires
Editor : Marcos Fernandes
  • Share

DILI— Jogadór senior Filipe Oliveira nia hahalok halo erru iha Grander laran, hafalla nia ekipa AD SLB Laulara nia vitoria kontra Fc Portu Taibessi.

Jogu kontinuasaun entre ekipa jigante rua AD SLB Laulara, kontra Fc Portu Taibessi, ne’ebé mak realiza iha estádiu munispál Dili, sesta feira (24/03), ne’e anima tebes komunidade sira ka adeptu hotu tanba, ekipa rua hatudu sira nia jogu ne’ebé mak furak nune’e mós halo kontra atake ba malu ho ritmu ne’ebé mak as.

ADVERTISEMENT
SCROLL FILA BA NOTISIA


Tanba ekipa rua mai ho ambisaun ne’ebé mak as hanesan hodi hakarak hetan vitória iha jogu loraik ida ne’’e nune’e bele lidera tabela klasifikasaun. Tanba daudaun ne’e ekipa rua okupa iha tabela klasifiksasaun primeiru no terseiru.

Iha ne’ebé ekipa SLB Laulara mak lidera provizoriu tabela klasifikasaun ho pontus hitu, no Portu Taibessi okupa iha tabela klasifikasaun terseiru ho pontus neen, nune’e hakarak manán hodi ukun tabela klasifikasaun LFTL, primeiru divizaun.

Lee Mós :
DIT Tebe Karketu Sai Hosi Kopa 12 Novembru

Nune’e ekipa rua lansa kedas atake ba malu hafoin abitu lian dahuluk, maibé ekipa SLB Laulara aprveita kedas oportunidade liuhusi bola kruza, iha ne’ebé avansadu Alexandre Ima Kefi, susesu fura kedas rede Portu Taibessi nian iha minute (14), hodi lori nia ekipa SLB lidera provizoriu ho score 1-0.

Maibé ekipa Portu Taibessi lakohi rende hafoin aproveita jogadór estrela SLB Mouzinho Barreto, hetan kartaun mean, nune’e aproeita ekipa SLB menus jogadór ida hodi sira esforsu halo kontra atake maka’as ba nia adversáriu.

Maski SLB lakon jogadór ida nune’e menus kompozisaun ema ho nia adversáriu Portu Taibessi maibé moru defeza ne’ebé mak sira monta ekipa portu la konsege sobu to’o jogu termina primeiru parte, SLB lidera provizoriu ho score 1-0.

Lee Mós :
Gally Freitas Treinu Hamutuk Ona Ho Klube PSIS FC

Tama fali ba jogu segundu parte ninian, ekipa rua halo mudansa ba nia jogadór inklui formatu no estratejía sira hotu, tanba SLB hakarak mantein nafatin ho rezuladu ne’e enkuantu Portu Taibessi hakarak responde golu ka manán tanba sira nia jogadór kompletu kompara ho SLB nia menus ida.

Iha ne’ebé esforsu sira Portu Taibessi halo ne’e durante segundu parte ne’e la konsege hatama golu ba rede SLB nian, maski sira domina bola no fó ameasa beibeik ba rede adversáriu ninian.

Maibé sura de’it ona ponteiru hodi jogu termina, trsiteza boot hafalun SLB, tanba nia defeza senior Filipe de Oliveira, kait ka hamonu avansadu Taibessi nian iha grander laran nune’e arbitru deside fó penalidade ba Poru Taibessi.

Lee Mós :
Espesiál Olímpiku Realiza Workshop ba Atleta Sira ho Família

Nune’e jogadór Edencio da Costa, ne’ebé mak sai hanesan ezekutór susesu halaó nia servisu ho di’ak, iha minutu (90+7), hodi hatur fali score ba 1-1 toó jogu remata ekipa rua empate hodi fahe de’it pontus ba malu.

Husi rezultadu empate ne’e, kontinua lori ekipa SLB ba ukun nafatin tabela klasifikasaun ho pontus ualu, hanesan ho Assalam Fc ne’ebé mak okupa iha tabela klasifikasaun daruak, maibe diferente golu, enkuantu Fc Portu Taibessi okupa de’it iha tabela klasifikasaun datoluk o pontus (7).

 

 

 

 

 

 

 

 

 

 

 

 1,134 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Filipe Nia Hahalok, Hafalla SLB Nia Vitória Kon…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No