ADVERTISEMENT

SLB Sei La Fó Ulun Ba FC Portu Taibesi Manan

Marcos Fernandes - Desportu · Dili
Jornalista : Jaime Pires
Editor : Marcos Fernandes
  • Share
Treinadór ekipa AD SLB Laulara, Julião Monteiro

Dili (timorpost.com)—Treinadór ekipa AD SLB Laulara, Julião Monteiro, dehan sira sei la fó ulun ba ekipa Portu Taibessi, atu manan hodi lidera fali Tabela Klasifikasaun Liga Timorense primeiru divizaun.

“Ami agora lidera ona Tabela Klasifikasaun, tanba ne’e ami sei halo esforsu hotu hodi mantein nafatin ami nia pozisaun iha tabela klasifikasaun dahuluk ne’e, tanba ne’e ita sei hein jogu ne’e nia rezultadu mak foin bele hatene”, dehan  Julião Monteiro, iha kampu Demokrasia, Tersa (21/03).

ADVERTISEMENT
SCROLL FILA BA NOTISIA


Nia dehan, maski ekipa Portu Taibesi deklara hakarak manan no sira iha ambisaun makaas, maibé rezultadu jogu mak foin bele determina, tanba sira mós hakarak manan, hanesan mós saida mak Fc Portu Taibesi, dehan ne’e.

Lee Mós :
MTCI Konvoka Enkontru ho Parseiru Internasionál Sira Iha TL

Tuir nia, ekipa Fc Portu Taibessi klaru sira hatudu sira nia Performa ida ne’ebé mak di’ak tebes iha jogu rua ikus ne’e hafoin iha abertura sira konsege lakon ho ekipa Aitana Fc, maibé la signifika SLB mós atu fó ulun ba sira hodi manan de’it.

Nia dehan, tanba ne’e jogu entre nia ekipa hasoru Portu Taibesi ne’e, sei mai ho ritmu ida ne’ebé makaas hodi anima adeptu sira hotu, tanba ekipa rua iha ambisaun hakarak lidera Tabela Klasifikasaun, espesiál ba sira mós lakohi atu tun fali.

“Ne’ebé sira bele deklara hakarak manan ami hodi lidera tabela klasifikasaun, maibé ida ne’e sei la fasil ba sira, karik sira manan ami mós sei difisil, tanba ami mós preparadu no hakarak mantein ami nia pozisaun iha tabela klasifikasaun primeiru”, nia deklara.

Lee Mós :
PNTL Prende Motorizada 68, Infratór Sei Selu Koima ba Estadu

Tanba ne’e, nia parte deklara atu manan Fc Portu Taibesi ou lae ne’e, depende ba rezultadu jogu remata mak foin bele hatene, maibé hanesan treinadór klaru katak, hakarak manan iha kualkér jogu, inklui mós semana ne’e atu hasoru Fc Portu Taibesi.

“Kona-ba manan ne’e ha’u sente klube hotu no treinadór ne’ebé de’it hakarak manan iha kualkér jogu, tanba ne’e ha’u mós hakarak manan, maibé rezultadu ne’e depende jogu remata durante minutu 90 mak foin hatene”, nia esplika.

Lee Mós :
Forsa Hanesan, SLB Ho Ultramar Fahe Pontus Ba Malu

Maibé prinsípiu katak, SLSB Laulara hakarak mantein nia pozisaun hodi lidera nafatin tabela klasifikasaun provizóriu ne’e, entaun esforsu hotu ekipa tomak liu-liu jogadór sira sei halo nune’e bele hetan rezultadu ida ne’ebé mak di’ak.

Enkuantu jogu kontinuasaun Liga Timorense époka 2023, entre ekipa jigante rua Fc Portu Taibesi kontra ekipa AD SLB Laulara ne’e sei realiza iha estádiu munisipál Dili, iha loron Sesta (24/03), tuku haat loro kraik oras Timor-Leste.

 1,491 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SLB Sei La Fó Ulun Ba FC Portu Taibesi Manan” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No