Dili (timorpost.Com) — Japaun manán ona kualifikasaun ba ronda 16 husi Kopa Mundiál 2022, iha Qatar hafoin manán España ho rezultadu 2-1 iha jogu ne’ebé hala’o iha Sesta (2/12/2022) dadeer-saan.
España konsege kontrola bola ho di’ak iha faze dahuluk, no sira mós lidera liuhusi golu Alvaro Morata iha minutu 11.
Maibé, Japaun comeback iha segundu rounda. Hajime Moriyasu nia jogador sira konsege muda tempu jogu vitória ho golu rua ne’ebé hatama husi Ritsu Doan, iha minutu 48 no Ao Tanaka, iha minutu 51.
Ho rezultadu ne’e Japaun hakat ba faze 16 besar. No mós sai hanesan kapitaun klasmen iha grupu E.
Japaun nia vitória ba España mós sai hanesan dezastre ba Alemaña.
Maski Hansi Click, nia ekipa konsege manan Costa Rica ho rezultadu 4-2 maibé Der Panzer nafatin remata terseiru iha Grupu E tanba lakon sira-nia golu ho España.
Golu kontroversu husi Japaun
Ao Tanaka, ne’ebé determina Japaun nia vitória ba España no mós kualifikasaun ba finalidade 16 husi Kopa Mundiál 2022 nian, hamosu kontrovérsia.
Molok Kaoru Mitoma, fó bola ba Ao Tanaka hodi hatama golu, iha display katak bola ne’ebé suta hosi Kaoru Mitoma, sai husi kampu halimar.
Maski nune’e, arbitrajen ne’ebé lidera jogu ne’e, Victor Gomez, deside atu aprova nafatin Japaun nia golu daruak hafoin haree VAR ba tempu naruk no konklui katak bola ne’e seidauk sai husi kampu.
Luis Enrique, Treinadór ekipa nasionál España, rekoñese katak nia la kontente maski La Furia Roja konsege kualifikadu ba finalidade 16 husi Kopa Mundiál 2022.
“Ha’u la selebra buat ida, ha’u la selebra lakon,” dehan Enrique, ne’ebé temi husi Sky Sports, Sesta (2/12/2022).
“Ha’u kualifikadu, maibé ha’u hakarak sai grupu ne’ebé aas liu no agora (husi 16 ikus) troka ona no buat barak la hanesan”, nia afirma.
Tuir Enrique, maski nia ekipa hatama golu dahuluk, maibé Japaun presiza minutu 5 de’it hodi hetan golu rua no fila fali buat hotu.
“Iha minutu 10 nia laran, sira estraga ami tomak, tanba ne’e mak halo ha’u pesoál la kontente ho rezultadu ne’e” dehan Enrique.
Enrique hatete, nia bele hetan atake fuan nian se iha kondisaun sira-ne’e nia laran, iha tempu hanesan, Costa Rica konsege hetan rezultadu di’ak liuhusi Alemaña.
“Agora ha’u-nia serbisu mak atu hametin espíritu jogadór sira nian,” nia hateten.
Prezente ida ba povu Japaun
Enkuantu, xefe ekipa nasionál Japaun nian, Hajime Moriyasu, dehan hahú kedas ninia ekipa hatene katak España sei sai hanesan oponente ne’ebé difisil.
“Ami joga hasoru España, ekipa ida-ne’ebé di’ak liu iha mundu, no ami hatene molok jogu ne’e katak sei susar tebes, no ne’e mak buat ne’ebé ami halo,” dehan Moriyasu.
Nia dehan, ninia jogadór sira konsege defende didi’ak maski España kontinua domina sira ba maioria husi jogu.
“Los duni difísil tebes, maibé jogadór sira konsege defende to’o tempu remata, iha sirkunstánsia difísil tebes, sira halo di’ak tebes,” dehan Moriyasu.
Nia subliña, vitória ba España no mós pasa ekipa Blue Samurai ba faze 16 ikus ne’e dedikadu ba povu Japaun.
“Ami fó vitória ne’e ba povu Japaun,” nia konklui.
Japaun, ne’ebé konsege tuur iha pozisaun dahuluk iha Grupu E, sei hasoru Kroásia, iha Segunda (5/12) tuku 22.00 dadeer. Iha tempu hanesan, España sei hasoru Morocco iha roda 16, iha Tersa (6/12) tuku 22.00 OTL.
1,773 total views, 3 views today
