ADVERTISEMENT

Jogu Arábia Saudita Manán Argentina 2-1, Liurai Salman Derrepente Anúnsia Feriadu Nasionál

Mario da Costa - Desportu
Reportajen : Tradutór Hermenegildo da Costa Tilman
  • Share
Jogadór Sira hakoak malu hafoin jogu entre Argentina ho Arábia Saudita, Imajen Esp.

Dili (timorpost.com) — Arabia Saudita konsege halo buat ne’ebé konsidera imposivel. Sira manán Argentina (2-1) iha grupu C nia abertura ba Kopa Mundial 2022, Tersa (22/11).

Tuir notísia asesu hosi Bola.Net, Kuarta (23/11), katak Jogu ne’e iha Estadium Lusail prevee katak sei sai parte Argentina nian hahú kedas. Iha tempu jogu, Argentina hatudu dunik jogu bonitu tanba sira iha Lionel Messi no konsidera hanesan favoritu ida atu manán.

ADVERTISEMENT
SCROLL FILA BA NOTISIA

Jogu iha ronda dahuluk, Messi konsege ezekuta golu ida liuhusi penalti. Tuir mai jogadór ne’e marka tan golu ida, la konsidera tanba offside.

Maski nune’e, situasaun fila fali iha segundu rounda. Arábia Saudita halimar ho agresaun liu no konsege hetan golu rua liuhusi asaun Saleh Alshehri no Salem Aldawsari.

Halo feriadu nasionál ida

Vitória Arábia Saudita nian ba Argentina ho rezultadu 2-1 hanesan mehi ida. Maski públiku Arábia rasik la hanoin katak sira-nia ekipa nasionál bele halimar ho di’ak no manán Argentina.

Lee Mós:
ASEAN Para Games, Teófilo Konkista Medalla Osan Mean Tolu

Liurai Salman, hanesan liurai Arabia, sente orgullu husi jogu bonitu ne’ebe hatudu husi ekipa selesaun nasionál Arabia nian. Liurai Salman Anúnsia katak loron-Kuarta ne’e (23/11/2022) sei sai feriadu nasionál iha Arabia.

Feriadu nasionál ne’e aplika ba traballador hotu-hotu, iha setór públiku no privadu, no mós Estudante sira iha Arabia Saudita.

Anúnsia ne’e fó sai diretamente husi ajénsia imprensa saudita nia kontribuisaun ofisiál iha Twitter ne’ebé reprezenta lian husi Liurai Salman.

Primeiru, feriadu nasionál ida ne’e hanesan prezente ba jogadór sira ne’ebe hatudu ona vitória hodi manan Argentina 2-1 iha Kopa Mundial. Ida ne’e hanesan ezagregasaun ida, maibé faktu mak rezultadu ne’e espesiál tebes ba Arabia Saudita no sira-nia istória iha Kopa Mundiál.

Ida ne’e hanesan vitória ba dala haat iha istória kona-ba Arabia Saudita nia prezensa iha Kopa Mundiál.

Lee Mós:
Kria Atividade Bola Guling Tenke iha Responsabilidade

Vitoria ne’e mós sai pasu ida ba nasaun Arábia Saudita hodi hasoru Polandia iha jogu segundu grupu C nian iha semana oin mai.

Iha parte seluk, treinadór ekipa nasionál Argentina nian, Lionel Scaloni, husu ba nia jogadór sira atu haluha tiha rezultadu ne’ebé hatudu ona.

Lionel Messi konsege lori vantajen Argentina nian iha minutu 10 liuhusi pontu penalti. Tuir mai, Arábia Saudita konsege troka pozisaun no manán liuhusi golu rua ne’ebé hatama husi Saleh Al-Sehri no Salem Al-Dawsari.

Depois de jogu, Lionel Scaloni, dehan nia triste tebes ho rezultadu negativu ne’ebé La Albiceleste hetan iha jogu ne’e.

“Rezultadu ne’e hatudu tebes triste bo’ot ida mai ekipa selesaun Argentina, maibé hanesan ami sempre dehan, ita tenke hadeer hodi hasoru loron aban nian.” dehan Scaloni.

Lee Mós:
Kada Klubu simu Subsidiu Rihun $5 hodi Partisipa Kopa FFTL

Nia dehan, susar atu deskreve Argentina nia jogu hasoru Arábia Saudita iha momentu ne’e. Tanba ami hatene katak ami manan, haree hosi primeiru jogu jogadór Argentina halimar kapás tebes.

“Defisil atu digeste. Iha minutu haat, minutu lima nia laran, sira lalais no hetan golu rua, no dala rua”, nia afirma.

Tenke Otimizmu iha Liga Tuir Mai, Depois ne’e, Scaloni mós enkoraja ninia jogadores sira atu haluha lalais rezultadu aat ne’e no hamriik fali.

Tuir nia, jogu daruak hasoru Méxiku importante liu fali rezultadu ne’ebé akontese ohin kalan.

“Ita tenke hadeer husi rezultadu ida ne’e no prepara ba jogu rua tuir mai. Ami la presiza analiza liu fali ida-ne’e”, nia hakotu.

 981 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Jogu Arábia Saudita Manán Argentina 2-1, Liurai…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: