ADVERTISEMENT

Liga Futebool Atu La’o, Hein Federasaun ho Orgaun Liga

Mario da Costa - Desportu
Reportajen : Mariano Abi
Editor : Mário da Costa
  • Share
Abrão Saldanha

DILI (timorpost.com) — Relasiona ho prekupasaun ema hotu-hotu nian kona-ba liga Futebool atu la’o, Governu responde katak, hein de’it Organizador sira hanesan Federasaun Futebool Timor-Leste (FFTL) ho Orgaun Liga.

Sekretáriu Estadu Juventude no Desportu, Abrão Saldanha, hatete Liga Futebool sira iha ona konkordansia anterior liga ho Federasaun, SEJD simu informsaun husi Federasaun katak, sira sei hatama proposta mai atu foti osan.

“Governu disponivel iha osan, hein de’it Organizadór sira hanesan Federasaun ho Orgaun Liga intende malu bele foti, Governu fó apóiu hodi hala’o, signifika la’ós Governu mak hala’o maibé Federasaun mak hala’o, tanba iha mundu ne’e Laiha Governu mak halo lei, maibé iha orgaun ida mak halo,” Abrão dehan iha Palásiu Prezidensiál, Bairru-Pité, Segunda (07/11).

Lee Mós:
Governu-KOIKA Fó Treinamentu Desportu ba Joven Na'in-23

Nia dehan, Liga Futebool ba tinan ida ne’e, Parlamentu Nasionál, aprova Dólar Amérikanu rihun 200, tan ne’e SEJD halo ezersisiu tan, atu halo balansu ho Liga tinan kotuk.

“Ne’ebé ho 40 Mill, entaun hamutuk 250 Mill ne’ebé Governu disponibiliza hodi apóiu, nune’e depende de’it ba Orgaun Liga ho Federasaun ne’ebé sira konsege ona iha kalendáriu ida, depois iha prosesu tékniku preparadu bele hala’o no sira mós dehan tinan ida ne’e tenke hala’o,” Abrão afirma.

 970 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Liga Futebool Atu La’o, Hein Federasaun h…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: