ADVERTISEMENT

F-FDTL Loke Rejistu ba Torneiu Taxa Nicolau Lobato

Mario da Costa - Desportu
Reportajen : Jaime Pires
Editor : Mario da Costa
  • Share
FALINTIL Forsa Defeza Timor-Leste (F-FDTL), realiza konferensia imprensa kona-ba loke rejistu ba taxa Nicolau Lobato, Segunda (10/10), Imajen TP/Jaime Pires.

DILI (timorpost.com) – FALINTIL Forsa Defeza Timor-Leste (F-FDTL), hahú loke ona rejistu ba torneiu Taxa Nicolau Lobato, hodi selebra ezisténsia Sentru Instrusaun Komandante Nicolau Lobato Metinaru ba dala-22.

“FALINTIL Forsa Defeza Timor-Leste liuhusi Sentru de Instrusaun Komandante Nicolau Lobato Metinaru, atu komemora nia ezisténsia ba dala-22 iha Metinaru, liuhusi biban ida ne’e ami komisaun organizadora ba Taxa Komandante Nicolau Lobato 2023, informa ba públiku hahú loke ona rejistu,” hateten Prezidente Komisaun Organizadora, Majór Infantaria, Grigorio Bernardo Correia, iha Federasaun Futeból Timor-Leste, Bairru Grilhos, Segunda (10/10).

Tanba ne’e, nia husu ba klube Futeból sira ne’ebé karik iha interese atu partisipa iha jogu Taxa Komandante Nicolau Lobato, hahú ohin Segunda (10/10), bele halo ona rejistu.

“Rejistu ne’e hahú ohin to’o loron 21 fulan Outubru tinan 2022, bele mai rejistu ita boot sira-nia klube, iha fatin Federasaun Futeból Timor-Leste, Kampu Demokrasia, Bairru Grilhos,” hateten nia.

Lee Mós:
MTKI Sei Aplika Taxa iha Fatin Turizmu

Nia aumenta, ho ida ne’e konvida klube sira hotu ba partisipa eventu importante ida ne’e hodi dignifika no valoriza nafatin Eroi Komandante Nicolau Lobato.

“Ami-nia tarjetu ne’e se klube hamutuk 32 mak partisipa iha eventu ida ne’e, tanba ne’e atu bairru ka suku sira hakarak partisipa bele mai rejistu, inklui mós F-FDTL komponente sira seluk bele partisipa,” deklara nia.

Prezidente Komisaun ne’e hateten, jogu ne’e sei hahú abertura iha loron 28 fulan Outubru no nia durasaun sei termina iha loron 19 fulan Fevereiru 2023.

Lee Mós:
SEJD Hala'o Abertura ba Kampeonatu Nasionál Federasaun Atletizmu

“Ba maluk sira ne’ebé hakarak atu hatene informasaun klaru bele mai haree iha ami-nia fatin rejistu, iha edifísiu Federasaun Futeból Timor-Leste (FFTL),” nia hakotu.

 1,732 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “F-FDTL Loke Rejistu ba Torneiu Taxa Nicolau Lobato” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: