Dili (timorpost.com) – Atleta Timoroan, Dircia Amaral, sai primeiru lugar iha eventu Dili internasional Maratona (DIM), ho kategoria feto defisiensia, ne’ebé realiza hosi Prezidente Repúblika, José Ramos Horta, Sábadu (08/10).
Dircia halai ho kilomentru 10, hahú hosi Palásiu Prezidensiál haleu rotunda Prezidente Nicolau Lobato, tama iha Timor Plaza, pante Kelapa, Eskola Falor mai remata iha Palásiu Prezidensiál.
Eventu ne’e hahú iha oras tuku 6:00, kuaze oras ida, Dircia to’o hikas iha riska ikus Palásiu Prezidensiál, Bairru-Pité.
Prezidente Repúblika, José Ramos Horta, inisia halo Dili Internasionál Maratona, ho objetivu atu harii pas, unidade iha rai ida ne’e, no atu promove Timor-Leste ba mundu liuhusi área Desportu no Turizmu.
Dili Internasionál Maratona, konvidadu sira mai husi li’ur hanesan Indonézia, Keyna, Singapura inkuli Timor-Leste rasik.
Eventu Dili Internasionál Maratona sai hanesan eventu internasionál ba dahuluk hafoin Timor-Leste hakur liu pandémia Covid-19.
Realizasaun atividade Dili Internasionál Maratona ne’e, serbisu hamutuk entre Palásiu Prezidensiál ho Governu inklui mós patrosinadór sira husi setór privadu sira no internasionál sira.
Parte Governu prevee orsamentu ba Dili Internasionál Maratona hamutuk 21,600.00 USD,” Sekretáriu Estadu SEJD, Abrão relata.
Portantu iha eventu ne’e atleta selesaun nasionál sei tuun na’in-12, komposta hosi feto neen, mane neen sei kompete iha full maratona no extra kilómetru 21, kompete hamutuk ho atleta internasionál sira.
Enkuantu iha kilómetru 10, ba ema internasionál sira ne’ebé hakarak kompete sei fó mós oportunidade no kilómetru 3, ba atleta junior sira-ne’ebé hakarak partisipa.
Atividade Dili Internasionál Maratona, ne’e hanesan atividade ne’ebé inísia hosi Prezidente Repúblika, José Ramos Horta no tau ona iha ajenda hanesan atividade anuál durante nia mandatu.
Tanba ne’e atividade refere, organiza hosi Palásiu Prezidensiál no koordena tékniku hosi Federasaun Atletizmu Timor-Leste (FATL).
3,645 total views, 3 views today
