ADVERTISEMENT

Membru PSHT 4.588 Sei Gradua iha Dili

Mario da Costa - Desportu
Jornalista : Beatriz Belo
Editor : Asisten Hermenegildo da Costa Tilman
  • Share
Membru PSHT Sira, Imajen Esp.

DILI (Timor Post) — Organizasaun Persaudaraan Setia Hati Terate (PSHT), nia membru hamutuk 4.588, sei hala’o graduasaun iha loron 18-19 fulan Agostu tinan 2022 iha Munisípiu Dili.

“Iha semana ida ne’e, organizasaun arte marsiais PSHT sei hala’o nia graduasaun iha Munisípiu Dili, ita-nia membru graduante sira kuaze hamutuk 4.588”, informasaun ne’e hato’o hosi Komandante Operasaun, Xefe Polísia Delfin da Silva, iha knar Fatin Kaikoli, Segunda (15/08).

ADVERTISEMENT
SCROLL FILA BA NOTISIA


Nia dehan, atividade graduasaun ne’e sei hala’o iha Timor Lodge, GMT no Sentru Konvensaun Dili.

Nia esplika, sira-nia atividade hahú husi korban jago, husi dadeer, depois to’o ba tuku 04:00, sira komesa halo movimentu ba iha fatin sira ne’ebé atu halo ezame.

“Prosesu abertura sei hahú tuku 07:00 kalan, prosesu ezame sira kontinua la’o, mais ou menus to’o tuku 05:00 dadersan sira prosesu ezame ne’e remata, Nune’e mós iha dia seguinte iha loron 19 sira halo ezame mós, maibé ida ne’e husi Munisípiu Likisá mak sei hala’o sira-nia ezame ne’e iha GMT”, nia haktuir

Lee Mós :
KRAM husu Membru PSHT Evita Problema

Atu informa ba públiku katak, iha loron (17/08) graduante sira sei ba halo kompra ekipamentu ne’ebé seidauk kompleta iha prosesu graduasaun iha Merkadu no mós iha loja sira, nune’e husu ba komunidade sira labele provoka sira.

Nia dehan, hanesan Seguransa nasaun nian husu ba grupu arte marsiais, rituais, komunidade, joven sira, inan-aman sira inklui ema hotu-hotu, atu hamutuk hodi apoiu sira-nia programa prosesu ezame ne’e bele la’o ho di’ak.

“Kona-ba membru husi polisia na’in hira mak sei koloka ba iha fatin refere hodi halo seguransa ne’e, ita la bele fó sai lai, maibé konserteza PNTL sei koloka iha fatin tolu ne’e, tanba komandu operasaun Munisípiu Dili hetan ona orientasaun husi Komandu Jerál, ,” nia dehan.

Tanba ne’e, nia dehan, sira bolu ona koordenadór husi reprezenta organizasaun PSHT nian, mai hodi halo koordenasaun no mós orientasaun ruma no mós simu orientasaun ruma husi sira atu nune’e bele garante seguransa ba iha sira-nia atividade graduasaun ne’e ho di’ak.

Lee Mós :
Konfrontu Akadiru-hun, PSHT Promete Rekoopera Sasán Vítima

Alende ne’e nia dehan, prosesu graduasaun ida ne’e husi dewan PSHT nian, ne’ebé mai husi Indonézia mai tulun sira kuaze ema hamutuk 106 mak mai hodi ajuda iha prosesu graduasaun ne’e.

Iha fatin hanesan, Xefe Seguransa PSHT, Agostinho Mesquita Martins, informa ohin sira mai iha komandu Munisípiu Dili, atu aprezenta ba iha komandante Operasaun, Xefe Polisia Delfin da Silva, katak iha loron 18-19 fulan Agostu sira sei hala’o atividade graduasaun ba membru foun husi organizasaun PSHT nian.

“Ami mai atu husu apoiu seguransa ba sira, maski ami grupu arte Marsiais, mais nasaun mak kaer ami, ami iha nasaun nia okos no nasaun mak organiza programa ne’e, liuhusi Sekretáriu Estadu Juventude Desportu (SEJD) no KRAM mak organiza, entaun ami tenke hakru’uk ba lei ne’ebe mak iha,” nia dehan.

Lee Mós :
Atleta Internasionál Kénia Sai Primeiru Lugar iha Eventu DIM

Nia haktuir, momentu sira aprezenta iha KRAM kuaze 9 mill ital graduandu, maibé sira-nia parte salin fali, tanba iha dupla númeru, entaun hela 880, maibé husi númeru 880 sira sei halo teste liuhusi manu, tanba manu mak sei selesaun ba graduante sira ba graduasaun ne’e sa’e ka tu’un.

Nia dehan, sira ne’ebé simu graduasaun iha loron 18-19 ne’e, husi Munisípiu Likisá, Ermera ho Dili, dadus provizóriu 4250 graduante maka sei gradua iha semana ne’e, alende husi Munisípiu sira seluk sei gradua iha Munisípiu sira.

“Sira ne’ebe atu simu graduasaun iha semana ne’e, ami konvida dewan husi Indonézia mak mai fó graduasaun ba sira,” nia hakotu.

 2,434 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Membru PSHT 4.588 Sei Gradua iha Dili” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No