ADVERTISEMENT

FWNTL Sei Loke Liras ba Munisípiu Rua

Mario da Costa - Desportu
Jornalista : Ermelinda Caet
Editor : Mario da Costa
  • Share
Estrutura FWNTL foto Hamutuk hafoin hala'o kongresu ba dala-3, iha Bairru-Pité, Segunda (08/08), Imajen TP/Ermelinda Caet

Dili (Timor Post) – Federasaun Wushu Nasionál Timor-Leste (FWNTL) Sei loke tan iha Rejiaun Administrativa Espesiál Oe-kuse Ambenu (RAEOA) ho Munisípiu Ainaro.

Prezidente FWNTL João Alves Correia, hatete kongresu ida ne’e ba dala-3, mais kongresista sira no tuir sira-nia kapasidade iha membru Munisípiu 11 inklui klubu 43, ida ne’e ba oin tinan 2023-2026, sei promove sira hodi halo selesaun ba sira-nia membru tomak atu hili hodi tuir kampionatu.

ADVERTISEMENT
SCROLL FILA BA NOTISIA


“Ita iha membru husi Munisípiu 11, Agora Munisípiu Ainaro ho RAEOA, ita iha planu foti karta autorizasaun hodi loke FWNTL iha Santa-Roza RAEOA vila, no ita iha asosiasaun ida iha Munisípiu Ainaro komesa halo ona lina koordenasaun”, nia hateten iha Federasaun Hanai Malu, Bairru-Pité, Segunda (08/08).

Lee Mós :
KRAM husu PSHT Hatudu Dixiplina Di'ak

Nia hatutan, “Ainaro la’ós federasaun mak barak, maibé iha parte ema barak entaun ita tenke halo sosializasaun di’ak, no ita tenke halo monitorizasaun para ita bele tama ka lae, tanba iha ne’eba problema laiha se ita loke derepente iha ne’ebá bele mosu konflitu seluk”.

Nia dehan, ba oin sira sei koopera ho Sekretariu Estadu Juventude no Desportu (SEJD), ho Konfederasaun Desportu Timor-Leste (CDTL), atu oinsá sira bele to’o iha ne’ebá, no mós oinsá Governu apoiu federasaun ida ne’e liuhusi finansia ruma.

FWNTL ne’e hari iha 1980, maibé iha momentu ne’ebá treinu ne’e subar, mai to’o 2014 sira trata dokumentus husi fundadór sira tur hamutuk ho estrutura tomak hodi halo dokumentu aprezenta ba iha notariadu ka justisa, nune’e sira aprova ne’e mak Kunfu master muda kedas ba kunfu wushu Nasionál Timor-Leste.

Lee Mós :
Ohin, Atleta sira Halai Maratona Haleur Dili Laran

“Ha’u-nia membru mak treinu hela ou dala-ruma ema ruma halo problema mak nia responde ba problema ida ne’e ami iha direitu hodi foti desizaun, maibé hanesan problema grave ne’e ami labele foti desizaun no ami entrega ba Justisa”, nia tenik.

Iha sorin seluk Membru Federasaun Wushu Nasionál Timor-Leste (FWNTL), Nelson Nunes, dehan nia senti kontente tebes tanba halo kongresu hanesan ne’e dala-tolu nian, maibé primeira sira mai iha federasaun ida ne’e bele realiza kogresu ne’e ba dala-tolu hodi hili estrutura foun.

Lee Mós :
Nagardjo no FIEL Fc Deside La Kontinua Joga

“Ami-nia prezidente fila hikas ba mundu seluk ona, entaun sira organiza malu ho estrutura bele realiza fali hodi hili estrutura foun ba tinan 2022-2026”, Nia hateten.

Tanbá ne’e, nia sedan, hafoin kongresu sira mós sei iha koordenasaun di’ak ho estrutura ne’ebé sira hili hodi hadi’a federasaun ida ne’e hodi lori Federasaun ida ne’e ba nível internasional.

 1,616 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “FWNTL Sei Loke Liras ba Munisípiu Rua” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No