Deputadu Silvino Adolfo Morais Hakotu Iis

by -3.403 views
Imajen ne'e hatudu Saudozu Silvino Adolfo Morais hala'o hela atividade Partidu FRETILIN. Foto Espesial

Dili (Timor Post)—Deputadu husi Bankada FRETILIN, Silvino Adolfo Morais hakotu iis iha kalan 03/01/2022-maizumenus tuku-sanulu-liu iha Hospital Nacional Guido Valadares (HNGV)-Dili, tanba moras fuan (ataque cardíaco).

Matebian hetan atake iha uma no família konsege lori too HNGV, doutor sira koko fuan sei manas maibé liu minutu hirak nia laran labele salva.

“Ohin ne’e tensaun ataka derpenti mak lori ba ospital mas katuas iis laiha ona. Agora foin atu dudu sai ba mortuáriu,” família haktuir ba Timor Post.

Matebian moris iha loron 19 Jullu 1956 iha Atabae-Munisípiu Bobonaro.

Matebian hakotu iis husik hela feen ho oan na’in-haat (feto-rua, mane-rua)-hotu-hotu harii uma kain ona.

Matebian nu’udar membru Comite Central FRETILIN (CCF) i Koordenador Partidu iha Munisípiu Bobonaro.

Matebian lisensiadu iha Jestaun Públika, eleitu nu’udar deputadu ba lejislatura 2018-2023 husi bankada FRETILIN iha Parlamentu Nasional no hahú funsaun iha loron 13 Juñu 2018. No nu’udar membru Komisaun C trata ba assuntu Obras Públika. (cao)

No More Posts Available.

No more pages to load.