Deputadu PLP Sabino Soares “Guntur” Hakotu Iis

husi -54 views

Timor Post (23/01/2021)—Deputadu husi bankada Partidu Libertasaun Popular (PLP), Sabino Soares “Guntur” hakotu iis iha Hospital Nacional Guido Valadares (HNGV), Dili, iha Sábadu (23/01/2021) madrugada.

Iha loron hirak liu ba Médiku iha HNGV, halo ampotasi ba matebian nia ain sorin karuk, tanba matebian sofre moras diabetes, hafoin matebian nia ain sorin tesi matebian tama liu ba iha sala ICU liu loron balun matebian mós hetan akuzasaun pulmaun bubu ho moras ne’ebé nia hasoru médiku ho familía sira labele halo buat ida.

Sabino Soares “Guntur”moris iha loron 08 Fulan Jullu Tinan 1975, iha Baucau- Quelicai-Lelalai, Munisípiu Baukau.

Guntur lisensiatura Siência Governamentais (S1). Sai deputadu husi Bankada PLP hahú iha tinan 2017.

Guntur hanesan mos fundador PLP.

Deputadu Guntur nu’udar deputadu ne’ebé brani halo krítika maka’as hasoru naksalak sira ne’ebé governu komete no desizaun sira estadu nian ne’ebé tuir nia la a favor ba moris di’ak povu no nasaun nian.

Iha lejislatura dalima, Guntur koñesidu lansa krítika maka’as hasoru Prezidente Repúblika Francisco Guterres Lú Olo no konsidera Lú-Olo ukun ho autoritáriu tanba la fó posse ba membru governu indizitadu na’in-9 iha AMP (Aliansa Mudansa ba Progresu) ne’ebe forma husi CNRT, PLP ho KHUNTO.  (cao/res)