Deputadu PLP husu KAFI Labele Budu Projetu, CNRT Preokupa ho Aprova OJE Kada Tinan

by -892 views
Plenária Parlamentu Nasionál. Foto Espesial

Jornalista Jaime Pires / Editór Noémio Falcão

Dili (Timor Post)—Deputada husi Bankada Partidu Libertasaun Populár (PLP), Domingas dos Santos husu ba Konsellu Administrasun Fundu Infraestrutura labele budu projetu infrastrutura.

Liuhusi plenária Parlamentu Nasionál, Tersa (11/01/2022), Domingos hato’o preokupasaun kona-ba projetu sira ne’ebé mak to’o agora seidauk realiza liuliu hanesan estrda eletrisidade no bee moos.

“KAFI labele budu demais projetu sira ne’ebé mak seidauk realiza, tanba projetu ne’e atu halo tenke tarde husi KAFI,” reprejentante povu ne’e lamenta.

Nia dehan, agora tempu udan, estrda no ponte barak bee kontinua sobu balun kontinua a’at, maibé atu hadi’a sempre tarde iha KAFI.

Iha sorin seluk Deputadu husi Bankada CNRT, Patrocino Fernandes hatete, governu kada tinan tau osan ba reabilitasaun estrda no projetu sira hotu, maibé agora tempu udan bee kontinua sobu estrda no ponte sira ne’e maibé ministru sira ho karreta liubá liu mai hare de’it.

“Ita haree estuda no ponte sira bee komesa sobu Ministru sira sa’e kareta hare de’it, kuandu estrda karik kotuk ona no ponte karik monu ona mak sira foin halo atendimentu, tuir loloos ita iha MOP ita iha tan IJE, ekipamentu sira ne’ebé komesa ‘ori ba tau ona fatin sira deskonfia sei monu ka kotuk sira ne’e atu nune’e kuandu atendimentu ne’e lalais”, dehan Nia.

Tanba agora ne’e estrda kuaze iha Munisípiu tomak, barak mak udan estraga no ponte barak mak hahu nia moris detensaun ne’e monu maibé ita nia parte governu nia atendimentu tarde.

Hatan ba ida ne’e, Ministru Asuntu Parlamentár no Komunikasaun Sosial (MAPKOMS), Francisco Jeronimo hatete, nia parte sei informa ba Ministru Obras Públika no sei levanta iha reuniaun Konsellu Ministru, kona-ba Deputada no Deputadu sira nia preokupasaun hirak ne’e.

No More Posts Available.

No more pages to load.