Denúnsia Hasoru Operadór Telekomunikasaun iha Timor Leste

by -358 views
Foto Espesial

Estajiáriu MJ7 / Editór Noémio Falcão

DILI (Timor Post)Denúnsia barak husi konsumidor sira hasoru operador telekomunikasaun sira iha Timor Leste inklui Timor Telcom, Telkomcel no Telemor.

Prezidente Tane Konsumidór, António Ramos da Silva, konsidera preokupasaun ne’e sériu no husu ba operador sira hotu tenke toma responsabilidade.

António Ramos da Silva

“Konsumidór sira balun ladún satisfás ho servisu operadór telekomunikasaun tolu mak hanesan Timor Telekom, Telemor, no Telkomcel,” António hatete ba Jornalista sira iha nia knaar fatin Vila-Verde, Aldeia Gideon, Dili, Kinta (23/09/2021).

Nia hatete, husi sekuénsia keixa sira ne’ebé mak simu prestasaun servisu telekomunikasaun nian, entaun TANE analiza informasaun husi operadór prinsipál ba konsumidór sira, tanba operadór sira site de’it iha fatin fan, entaun ne’e konklui jerál sira la kumpre lei.

Tuir António, servisu asesu ba informasaun ne’e tenke fornese loloos ba konsumidór sira husi operadór telekomunikasaun tenke iha kontratu rejime legal, tanba ne’e husi operadór prinsipál atu fornese modelu kontratu ne’ebé ke di’ak ba konsumidór sira iha situasaun pandemia laran.

Nia hatete, TANE hasai ona karta ba autoridade reguladora ho fikalizadora ba Ministériu Transporte no Komunikasaun (MTK), ministériu komérsiu indústria no Autoridade Nasionál Komunikasaun (sigla portugés, ANC) hodi reivindika rejime legal atu asegura protesaun konsumidór sira servisu telekomunikasaun nian.

Obrigatóriu hato’o informasaun ne’ebé klaru no komprensivel kona-ba folin sasán nian, nune’e mós kona-ba taxa sira iha impostu ne’ebé aplika molok selebrasaun kontratu, nia kestiona.

Durante ne’e TANE servisu barak la’ós ba de’it telekomunikasaun maibé ba area ekonomia hanesan asesu ai-han, entaun semana oin TANE sei fó sai peskiza kona-ba folin sasán iha merkadu liuliu iha munisípiu Dili, nia konta.

Nia hatutan, TANE halo ona advokasia ho EDTL, EP sira nia reguladora mós kontaktu TANE involve ho sira atu nune’e serbisu hamutuk hodi kontrola másimu ba ahi nian, (Lee notísia seluk iha Jornal Timor Post)

No More Posts Available.

No more pages to load.