Deklarasaun Politika husi Lider Jerasaun 1975: AMI SISI LIA’LOS NO HUSU TESI’LIA LOS

by -68 views

Loron 25  Fulan Junho tinan 2020

Nu’udar Membru sira Lideransa FRETILIN nian iha 1974/75 no hodi naran maioria lubuk oan sei moris husi I Governo ne’e be mosu kedas afoin Proklama RDTL iha 28 loron 28 Fulan Novembru, iha tinan 1975 – Tempu I Republika nian, ami fo’sai ami nia laran susar (angustia) no susar atu fiar (incredulidade) wainhira isin’klamar  (espirito)  hakfodak ho buat’foun (noticia) todan la’halimar loke sai iha Midia iha tempu no loron ikus foin liu ba.

Faktu sira haktuir iha ne’eba mai doko ami’laran mak’as (vieram abalar-nos profundamente) tambá sona no hakanek ami nia fiar (convicções) no mos ami nia mehi  Jerasaun 70 nian hanesan hahalok no pratika Dr. Mari Alkatiri nian, hahalok ne’ebe mosu bainhira nia kaer ukun hodi naran Povo, Nasaun no Estadu nian.

Emar Timur (Sociedade timorense) oras ne’e daudaun fuan’taridu no litik’an  ho laran nakdedar/susar  (ansiedade) kona ba lia no faktu sira ne’e tebes duni ka lae (veracidade). Ami soe dok ba kotuk hanoin ruma atu hamosu fali “julgamentu popular” ne’ebe triste eh laran dodok wainhira ita hanoin hetan fali tambá akontese eh liu ona. Ita hotu defende Estadu Direitu Demokratiku nian ne’ebe fatin ho kbit atu tesi’lia mak Tribunal sira atu fo sala ka lae ba ema ida. Ne’e duni, ami hanoin katak ami nia dever moral no obrigasaun politika atu husu ba Dr. Mari Alkatiri atu fo sai lia’roman (esclarecimento) ba publiku ho  sinceru, fuan nakloke, honestu, la’taka eh subar buat ida, no objectivu, la’os lia’kleuk eh lia’bobar, atu hametin ita nia isin’klamar (espirito)  no bele kontribui no hetan Lia’los tuir hatur Tesi’lia los. Nune’e mak ita bele hahu fila fali ita nia lao’dalan ka lalaok

(caminhada) hatudu ba Futuru, loron tuir’mai, ho laran’metin bo’ot liu tan.

Nune’e, ami litik atu hetan Lia’los ba buat’foun no faktu sira tuir mai:

  1. Mari Alkatiri fo ka lae Sertifikadu sa’ida nian ba Alarico Fernandes ne’ebe halao Operasaun SKYLIGHT ami hotu LASIMU no Kondena iha Reuniao Catembe nian, Reuniao Partidu FRELIMO no Governu Mocambique mak organiza iha fulan Setembru tinan 1978?
  2. Mari Alkatiri simu ka lae iha tinan 2000, 2001 no 2002, osan bo’ot  barak los to’o Juta dólar 5 (lima) atu halo favor ka halao serbisu balu ba Companhia Conoco Philips to’o prejudika tan Kofre Estadu nian no fo ba ema nia liman (alienar)  Soberania Estadu nian?
  3. Mari Alkatiri, hanesan Negosiador Prinsipal iha processu fan-sosa Ferry Haksolok , ne’ebe seidauk to’o deit iha ita nia tasi’ninin halo lakon ita nia Estadu nia osan Juta Dollar 20 (Ruanulu). Ida ne’e lakon todan bo’ot tamba deit la kuidadu didiak (incúria) no gestaun la diak (ma gestão) ka tambá halao processu ho “fiar’metin tomak” (boa-fe) ba ema fan’nain eh foin mak hakfodak wainhira hare’ kontratu lao kleuk tiha ona? Mak nune’e duni bainhira nia sei hamrik hanesan Presidente RAEOA nian, medidas eh hahalok sa’ida mak nia halao tuir dalan ba hetan Tesi’lia (Justica) nian atu Estadu Timor Leste bele hetan ka recupera fali osan ne’ebe hasai tiha ona husi Timor? Tan sa’a mak oras ne’e daudauk atu hahisi tan (injectar) osan Juta Dollar 15-20 (Sanulu resin Lima to’o Ruanulu) ba kompanhia malae bankrupt hela atu hamoris fali bisnis ida be halo Timor Leste lakon mak’as tiha ona?

Responsabilidade etika no politika  hatodan iha ami nia k’bas, tambá ne’e mak ami labele husik liu deit (deixar passar em branco) ami nia litik ne’e atu bele simu Lia’los no hetan Tesi’lia los!

Nune’e’,

I – Ami há’sae ba Komisaun Anti Korupsaun no mos ba Procuradoria Geral Republica   atu tuir                mekanismu legal be iha atu buka  no lori to’o nia abut no dikin:

  1. Apuramentu (Buka tuir) faktus sira be’e Companhia Oceanic Exploration loke sai tiha ona;
  2. Hodi loke Prosesu sosa Ferry HAKSOLOK atu mai Oekusi atu bele halot no rai (salvaguarda) no hein’metin (proteje) interesse Estadu no Povo Timor nian;

II – Ami ha’sae ba Guvernu nia ulun, S. Excia. PM Jeneral Taur Matan Ruak atu tau meius hotu, meius teknikus, humanus no finanseirus, no se karik presiza tan, atu tau mos peritus husi mundu internsional, hodi bele hamutuk ho KAK no PGR  leno hetan Lia’los hodi buka hatur mos Tesi’lia los ba Ita nia Povo Maubere doben.

Ikus liu, ami bele ksolok ho ami nia’an rasik tamba foti’sae ami lian tuir IDEAIS no MEHI JERASAUN 75 nian, Xavier do Amaral no Nicolau Lobatu nian, no mos maluk barak nian husi  timur’oan asu’ain rihun atus barak Povo Maubere nia oan hotu.  Sira nia Moris no Exemplu sei la lakon to ohin loron. Tamba ne’e mak razaun bo’ot ba hasae ami nia Lian ida ne’e atu hetan Lia’los, no buka Tesi’lia los iha tempu ida ne’e nian wainhira sei hari’i daudaun Estadu Soberano no Independente. Mak ami la halo karik no foti’sae ami nia Lian hanesasn ne’e, Povo no Jerasaun sira sei tuir mai tan, sei soe malisan ba ami tambá ami futu’lia  ho hahalok sala sira ne’e no la hatudu ami nia domin ba ita nia Povo terus’nain no funu’nain asu’ain sira! 

  1. José Luís Guterres, Fundador ASDT, Membru  CCF, Chefe  Delegação Externa  FRETILIN no Embaixador da RDTL
  2. Abílio Araújo, Membro do CCF, Comissario Politico, Ministro de Estado para os Assuntos Económicos e Sociais, Secretário-geral do Partido ML FRETILIN, 3º. Presidente da RDTL, Chefe da Delegação Externa e 3º. Presidente da FRETILIN
  3. Rogério Lobato, 1º. Comandante Geral das FALINTIL, Membro do CCF, e Ministro da Defesa Nacional
  4. Guilhermina Araújo, Membro do CCF, Secretária para a Reconstrução Nacional do CCF, e Vice-Ministro das Relações Externas e Cooperação

 

 

No More Posts Available.

No more pages to load.