Dadus Kompletu husi Ministériu Saúde: Pasiente Moras Denge Sa’e Maka’as, Mate Na’in-6 Maioria iha Dili

by -414 views

Dili (Timor Post)—Ministériu Saúde iha loron 15 janeiro 2022 lansa dadus kona-ba kazu moras denge sura husi semana semana tolu ikus hamutuk 436 no kumulativu mate (obitos) na’in-6 maioria deteta husi Munisípiu Dili.

Haktuir iha relatóriu ne’ebé Timor Post assesu, Munisípiu Dili rejista kazu 316, Munisípiu Baukau ho kazu 25, Munisípiu Ermera ho kazu 25, Munisípiu Manatuto ho kazu 23, Munisípiu Covalima ho kazu 17, Manufahi kazu 14, Munisípiu Ainaro ho kazu 4, Munisípiu Bobonaro ho kazu 4, Munisípiu Vikeke 4, Munisípiu Liquica kazu 3, Munisípiu Aileu relata kazu 1. Em geral total Munisípiu 11 mak agora dadaun relata kazu denge.

Husi gráfiku ida ne’e hatudu katak husi fulan Dezembro 2021 kazu komesa aumenta ho total 225, maibe iha fulan janeiro 2021 kompara ho fulan janeiro 2022 iha semana terceiro kazu barak liu kompara ho kazu Janeiro 2021. Iha posibilidade kazu sei aumenta iha semana hirak tuir mai no iha fulan oin mai.
Munisípiu Dili nafatin rejistu kazu ne’ebe a’as iha Primeira semana – Terceira Semana fulan Janeiro 2022, ho total 316 kazu. Hare ba kada loron kazu aumenta bebeik husi Munisípiu Dili.
Idade Mais afektado mak husi idade menus husi 14 anos mai kraik ho grupu edade 5 – 14 ho porsento 47,2% no edade 1 – 4 ho persentagem 31,0%.
Posto Administrativu Dom Aleixo relata kazu a’as liu husi Posto administrativos hotu ho total 138 kazu iha primeira semana – Terceira semana janeiro 2022, hafoin tuir husi Posto Aministrativo Cristo Rei 66 kazu no Vera-Cruz 55 kazu. Kazu obitos husi tinan 2020 ho total 10, iha tinan 2021 ho total 11 obitos no iha primeira semana fulan janeiro 2022 iha ona obitos nain 1 nebe’e relata husi Munisípiu Dili, no iha terceira semana relata kazu obitos nain 4 husi Munisípiu Ermera, ho ida ne’e total Case Fatality Rate nivel nasional ho porsento 1,4%.

Komparasaun taxa kazu fatalidade (CFR) iha tinan 2 ba kotuk no segunda semana fulan janeiro 2022

Segunda Semana fulan janeiro tinan 2022 tuir Kalendario Epidemiolojia.

2.Situasaun kazu Denge Iha Munisípiu Dili

Munisípiu Dili to’o ohin loron relata ona kazu 272 kazu no obito nain 1. Tuir kalendario epidemiolojia Tinan 2022, iha primeira semana fulan janeiro Tinan 2022 Munisípiu Dili relata total 38 kazu no iha semana Segundo fulan janeiro 2022 relata 160 kazu no iha Terceira semana relata ona 74 kazu.

To’o ohin loron terceira semana fulan janeiro Tinan 2022 Posto administrativo Dom Alexo
relatakazu total 138, hafoin Posto Administrativo Cristo Rei ho 66 kazu. no tuir kedan posto
administrativo Vera-Cruz ho total kazu 55 no Nain Feto ho total kazu 54, ne’e hatudu katak
kada dia kazu espalha nafatin ba iha posto administrativo sira seluk.

Distribuisaun kazu denge tuir klasifikasaun mak Denge Fever (DF) ho total 268 kazu, Denge Hemorrhagic Fever (DHF) ho total kazu 29 no Denge Shock Syndrome (DSS) ho total kazu 19.

3.Apela

Apela ba populasaun iha Dili laran no mós iha Munisipiu sira seluk, atu aprezenta-an iha fasilidadepúbliku saúde (Sentru Saúde ka Ospitál) ne’ebé besik, wainhira sente isin-manas, ka Senti laran sa’e,liman ain no sikun moras hodi bele hetan atendimentu husi profisionál saúde sira.

Apela mos ba populasaun iha Dili laran no mós iha Munisipiu sira seluk atu :

  1. Husu ba Autoridades Municipais no Autoridades lokais atu bele orienta komunidadehalo limpeza Geral iha suco no bairo-bairo.
  2. Fase tanke, Bidon ka balde tau be semana Ida Dala Ida.
  3. Hamos Sasan ka limpeza hanesan roda at, bazu aifunan atu susuk labele tau tolun.
  4. Halot ropa ho Diak iha Ita Nia Uma laran.
  5. Uza ropa nebe Liman naruk Karik Toba iha tempo Loron.
  6. Uza aimoruk hanesan repelente ka autan.
  7. Uza muskiteru Karik Toba iha tempo Loron.
  8. Soe lixu iha Nia Fatin.

(cao)

No More Posts Available.

No more pages to load.