Dadur Hamutuk 485 Kompleta Vasina Doze Daruak

by -64 views

DILI—Dadur 100 resin iha estabelesimentu prizional Bekora, Tersa (17/08), kompleta vasina doze daruak hosi vasina ho marka Sinovac no AstraZeneca.

Diretór Prizaun Bekora, João Domingos haktuir, semana kotuk iha prizioneiru na’in 385 maka kompleta ona vasina doze daruak, nune’e ho aumenta tan prizioneiru 100 resin ne’e númeru dadur simu vasina kompletu atinje ona 485.

“Atividade vasinasaun ne’e kontinuasaun ida hosi faze primeiru, entaun ohin kuaze populasaun prezu na’in 100 resin mak kompleta tan Doze Daruak hosi ai-moruk Sinovac no AstraZeneca, ”informa Diretór Prizaun Bekora, João Domingos, ba Timor Post.

Entretantu, total komunidade prezu ne’ebé seidauk simu vasinasaun hamutuk 12 de’it ona, sira na’in 12 ne’e balun sei moras hela no balun nia idade seidauk atinze tinan 18.

Ikus nia informa katak, parte prizaun Bekora la rejistu ona númeru afetadu ba moras Covid-19, tanba sira kumpre regra OMS ho di’ak iha prizaun laran, liu hosi kria espasu distánsiamentu sosiál, uza máskara no mós fase liman. (jxy/mj9)

No More Posts Available.

No more pages to load.