COVID-19: Komunidade Kesar Professór no Funsionáriu

by -372 views
Imajen ne'e hatudu komunidade sira forma ba vasina. Foto TP / Jaime Pires

Jornalista Jaime Pires / Noémio Falcão

DILI (Timor Post)—Komunidade husi Aldeia Terra Santa Suku Madohi, Postu Administrativu Don Aleixo, Munisípiu Dili, kesar professór no funsionáriu sira barak mak seidauk simu vasina kontra Covid-19 ba Vise-Primeiru Ministru no Ministru Ordenamentu Territóriu, José Maria Dos Reis.

“Ha’u husu ba segundu Vise-PM iha ne’e, atu kontrola didi’ak mestre sira ne’e no funsionáriu sira, tanba sira barak mak la simu vasina,” José Soares nu’udar komunidade Suku Madohi lansa krítima ne’e iha sesaun husu no hatan iha kampaña vasinasaun ka klínika movel ne’ebé hala’o husi Vise-Primeiru Ministru no Ministru Ordenamentu Territóriu, José Maria Reis iha Aldeia Terra Santa, Kinta (06/10/2021).

Komunidade sira preokupa no husu governu nia atensaun másimu, tanba sira tauk professór sira lori fali risku ba sira nia oan sira kuandu ba eskola.

“Ami populasaun sira ne’e prontu halo tuir programa governu nian ne’ebé mak hatun mai, tanba estadu ne’e hanesan ami nia inan, governu hanesan ami nia aman, ami povu prontu kumpre programa governu nian,” nia subliña.

Hatan ba kestaun ne’e, José Reis dehan, sei hato’o iha Konsellu Ministru hodi Ministeriu relevante sira bele foti desizaun. (Lee notísia kompletu iha Jornal Timor Post)

No More Posts Available.

No more pages to load.