COVID-19: Batallaun Órden Públika halo Operasaun iha Dili

by -239 views
Imajen ne'e hatudu membru BOP halo hela auto stop iha Largo Lecidere. Foto TP Jaime Pires

Jornalista Jaime Pires / Editór Noémio Falcão

DILI (Timor Post)—Polísia Nasionál Timor-Leste (PNTL) liuhusi unidade Batallaun Órden Públika (BOP) hala’o pasa revista ba sidadaun sira ho trasporte públiku no privadu la uza maskara iha kapitál Munisípiu Dili.

BOP hahú halo operasaun iha Tersa (14/09/2021) tuku haat lorokraik iha Largo Lecidere ho hapara karreta no motorizada sira hodi obriga sidadaun sira uza máskara ba prevensaun moras daet COVID-19 ho variante Delta.

Ba sidadaun sira ne’ebé la uza máskara, polísia la permite halo movimentasaun bainhira la hola kedas máskara ne’ebé faan besik iha Largo Lecidere.

Observasaun Timor Post haktuir, polísia la halo operasaun ba dokumentu no kondisaun transporte sira nian.

Tuir regra ne’ebé governu liuhusi konsellu ministru fó sai, ba sidadaun sira nia dokumentu karreta no motorizada ne’ebé prazu liu iha tempu konfinamentu obrigatóriu konsidera vale nafatin.

No More Posts Available.

No more pages to load.