CNRT: Cedelizia Substitui Patrocino iha PN

by -3.344 views
Cedelizia Faria dos Santos

Jornalista José Caet / Editór Noémio Falcão

Dili (Timor Post)—Bankada Opozisaun Kongresu Nasional Rekonstrusaun Timorense (CNRT), deside Eis Sekretaria Jerál Parlamentu Nasionál Cedelizia Faria dos Santos substitui deputadu Patrocino Fernandes iha iha Parlamentu Nasionál (PN) hodi akompaña diskusaun espesialidade Orsamentu Jerál Estadu (OJE) tinan fiskal 2022.

Karta substituisaun hato’o direta husi Xefe Bankada CNRT, Duarte Nunes ba Presidente Parlamentu Nasionál, Kinta (10/12/2021).

Patrocino Fernandes

Rajaun substituisaun temporária ne’e tanba deputadu Patrocino Fernandes dos Reis labele partisipa iha plenária Parlamentu Nasional ho motivu trata asuntu familiar iha Munisípiu Manufahi.

Sekretaria Meza Parlamentu Nasionál deputada Lídia Norberta dos Santos, offisialmente lee karta substituisaun iha plenaria molok hahú diskusaun espesialidade OJE 20222.

Cedelizia Faria dos Santos, nu’udár kandidatura deputada CNRT identifikadu lista hosi númeru 51 eleisaun Parlamentu Nasionál tinan 2018, iha koligasaun partidu polítiku Aliansa Mudansa ba Progresu (AMP).

No More Posts Available.

No more pages to load.