CNE Entrega Rezultadu Apuramentu Nasionál Ba TR  

by -341 views
Komisariu CNE entrega rezultadu apuramentu nasional ba Tribunal rekursu.

(Reportajen Cardenio Alves/Editor Mateus da Cruz)

DILI (Timor Post)–Komisaun Nasionál Eleisaun (CNE-Sigla Portugés), ohin, entrega rezultadu  final apuramentu nasionál eleisaun segunda volta prezidente Repúblika períodu 2022-2027 ba Tribunál Rekursu.

“Ohin Ita hatama ba Tribunal rekursu, rezultadu apuramentu nasional, no iha rejultadu munisipiu sanulu-resin-rua inklui RAEOA, no mos iha estrangeiru ninian ne’ebé entrega hotu”, dehan Prezidente CNE, Jose Agostinho Belo, iha Edifísiu Tribunal Rekursu Dili.

Nia hatete, horisehik CNE hasai ona rezultadu provizóriu ba parte hotu-hotu inklui mós ekipa husi kandidatu na’in rua no observadór internasionál sira hotu katak rezultadu provizóriu apuramentu fó sai ona ba públiku iha oras ruanulu-resin-haat nia laran, ba entidade no mós ba kandidatu sira, karik Sira hato’o rekursu, maibé to’o 24 Horas laiha ekipa Ida mak hato’o rekursu signifika simu ho rezultadu ne’ebé iha ona.

Tuir baze legal ne’ebé iha katak depois apuramentu nasionál iha oras  hitunulu-resin-rua (72), CNE konklui no labora akta, rejultadu Sira nee, tuir lei tenke submete ba  tribunal rekursu, atu halo analizasaun no validasaun, hodi hasai rezultadu ba eleisaun prezidensiál 2022-2027.

CNE mós entrega prosesu memori ida ba Tribunal rekursu hodi fasilita Tribunal atu halo desizaun ba rezultadu apuramentu ikus,  katak Tempu ne’ebé iha Tribunal ne’e oras 72.

“Prosesu Ida nee sai desizaun ikus ne’ebé Mak CNE entrega ona ba Tribunal Rekursu, hodi halo desizaun, Kona-ba rezultadu eleisaun prezidensiál 2022-2027, nune’e fiar katak rezultadu sei anunsia iha tempu badak nia laran,”hakotu. (Lee Notísias Seluk Iha Jornál Timor Post/ Asesu You Tube Timor Post)

No More Posts Available.

No more pages to load.