CEFOBOM Sorumutu ho Joven Kreativu

by -16 views
Logo CEFOBOM

(Reportajen: Luis Casmiro / Editór: Noemio Falcão)

MANUFAHI (Timor Post) — Sentru Foinsa’e Dom Boaventura Maunfahe (CEFOBOM) realiza enkontru ho juventude feto no mane hosi suku hamutuk 29 iha postu Alas, Turiskai, Fatuberlio no Same villa.

Reprezentante Jestór CEFOBOM, Carmo da Costa konfirma, sorumutu ne’e hodi fahe informasaun kona-ba emprendedorismu sosiál ba juventude kreativu iha suku sira hotu.

“Ne’e duni ohin ita fahe informasaun liuliu atu halo proposta no planu orsamentu ba programa refere ne’ebé sei implementa iha tinan ida ne’e,” Carmo ba Timor Post iha nia kna’ar fatin Same, Segunda (05/06).

Tuir nia, programa ne’e fó benefísiu liu ba joven sira ne’ebé hela permanente iha suku ne’ebé iha posibilidade sei hetan fundu husi Sekretáriu Estadu Juventude no Desportu (SEJD) liuhusi CEFOBOM.

“Enkuantu programa ne’e CEFOBOM sei estabelese ekipa ida kompostu administradór munisípiu, postu, Ministériu Agrikultura no Peskas (MAP) ho sira seluk halo avaliasaun ba proposta,” nia hakotu. (Lee Notísia Seluk iha Jornál Diáriu Timor Post)

No More Posts Available.

No more pages to load.