CCYC-SEJD Asina Akordu Apoiu Osan Rihun $30 ba Grupu Joventude Kreativu

by -471 views
Foto TP: Mariano Do Santos

Jornalista Estajiáriu Mariano Do Santos / Noémio Falcão

Dili (Timor Post)—Comoro Child and Youth Center sigle (CCYC) ho Sekretariu Estadu Juventude no Desportu (SEJD) asina akordu hodi apoiu fundu ba grupu juventude kreativu sira husi organizasaun ne’e.

Jerente CCYC, Delio Mali Lopes esplika, akordu ne’ebé asina hanesan mata-dalan hodi rekruta grupu juventude kreativu sira no aprovasaun sira husi oradór ba implementasaun fundus ne’ebé iha.

“Fundus aloka ba CCYC divulga informasaun ba grupu sira ne’ebé mak iha suku laran liuliu postu tolu mak hanesan, Dom Aleixu, Viera Krus no Na’in Feto no mos juven kriativu sira asesu fundus refere hodi dezenvolve sira nia grupu,” Delio Mali Lopes ba Jornalista sira hafoin asina akordu, iha Sede CCYC, Sesta (26/11/2021).

Foto TP: Mariano Do Santos

Nia dehan, prinsipalmente atividade ne’ebé mak governu apoiu liuhusi SEJD liuliu iha programa ida mak agrikultur, pekuaria no konservasaun meu ambiente mak sai hanesan  alvu prinsipal.

Entretantu Xefe Gabinete SEJD, Alcina Filipe Ximenes hatete, programa ne’e estimulu emprendedorismu sosial iha joventude sosiál no suku.

“Aloka orsamentu hamutuk $30.000 ba iha Sentru Juventude Komoro (CCYC), atu apoiu ba iha grupu kreatividade juventude sira rasik ne’ebé iha ona, ho inisiativa rasik atu hakbiit liu tan sira nia atividade husi grupu sira,” Alcina subliña.

Foto TP: Mariano Do Santos

“Ida ne’e importante tebes, tanba joven sira kuandu laiha atividade maka sira halo problema, maibé sira rasik kria duni atividade entaun ida ne’e minimiza konflitu sira ne’ebé akontese iha bairo-bairo,” Alcina hatutan.

SEJD iha Munisípiu 12 no RAEOA hotu-hotu implementa programa ida ne’e, iha sentru juventude maioria tama to’o ona iha faze distribuisaun asina akordu serbisu hamutuk.

“Tuir matadalan ekipa SEJD halo iha ne’eba, estabelese hanesan iha kritéria nia laran katak atu apoiu ba iha kategoria atividade hanesan pekuaria, turismu, ortikultura, agrikultura. Buat sira nee iha laran hotu, entaun liuhusi sentru juventude sira estabelese fali sira nia ekipa ida, avalia fila fali proposta sira ne’ebé mak tama iha sentru ne’e, tuir duni kritéria sira ne’ebé iha ka la’e,” Alcina afirma.

Iha fatin hanesan Grupu Juventude husi Suku Dare, Zitu Soares hatete, programa ne’e sei fó duni benefísiu, liuliu ba sira atu hala’o atividade bibeiru no prepara fatin haki’ak ikan.

No More Posts Available.

No more pages to load.