Benefisiáriu 60 Iha Foho-Ailiku Seidauk Hetan Sub-sidiu

by -87 views
Xefe suku Foho-Ai-Liku, postu administrative Hatu-Udo, munisípiu Ainaro, Deonato de Araújo Laet

FOHO-AILIKU (Timor Post)—Xefe suku Foho-Ai-Liku, postu administrative Hatu-Udo, munisípiu Ainaro, Deonato de Araújo Laet hateten, tuir lei sidadaun ne’ebé kompleta ona tinan 60 iha diretu atu hetan sub sidiu idozus.

“Tanba ne’e ami foti idozus sira nia kartaun hodi prenxe naran ba formatu no invalidus sira foti informasaun ho atestadu médiku hosi doutór sira, atu submete ba MSSI, maibé naran sai mai pendente hotu”, dehan Deonato, ba Timor Post iha Same, kinta (05/08).

Neduni benefisiáriu foun no invalidus na’in neenulu (60) iha suku Foho-Ailiko preokupa, tanba seidauk asesu ba sub sidiu ne’ebé governu fó liuhosi Ministériu Solidariedade Sosiál no Inkluzaun (MSSI).

“Dadus ami sub mete ba MSSI iha tinan 2019-2020 sai iha tinan 2021 naran sai ema na’in tolunulu (30), maibé pendente laiha justifikasaun ruma, tanba ne’e benefisiáriu sirasente preokupa tebes”, nia dehan.

“MSSI tenke iha justifikasaun ruma ne’ebé klaru ba benefisiáriu idozus no invalidus ne’ebé naran lista taka sai, maibé pendente, ami autoridade verifika naran, númeru kartaun no data moris hanesan hela, más naran lista taka sai pendente, laiha justifikasaun”, nia esplika.

Nia dehan, kartaun ne’ebé benefisiáriu kaer ne’e hetan hosi Sistema maibé tanba sá mak iha fali Sistema oin seluk no kartaun benefisiáriu hetan ne’e sai oin seluk.

To’o notísia ne’e fó sai seidauk halo konfirmasaun ho Sentru Solidariedade Sosiál Munisípiu Ainaro kona-ba la mentasaun xefe suku Foho-Ailiko ba naran benefisiáriu idozus no invalidus na’in 60 ne’ebé hatama na’in tolu naran taka ho pendente.(lcl)

No More Posts Available.

No more pages to load.