BCTL La Komenta Kona-ba Aviaun Rua husi Austrália Tula Osan

by -76 views
Foto TP: Maria Lizia

Timor Post (26/03/2021)—Aviaun rua ho marka Air North tún tutuir malu iha Aeroportu Internasionál Nicolau Lobato, Komro-Dili, ohin, oras tuku 12:30 no tuir kedas tuku 13:55.

Polísia husi unidade Batallaun Órden Públiku (BOP) fó seguransa metin hahú husi Aeroportu to’o edefísiu Banku Sentral Timor Leste (BCTL sigla Portugués).

Iha aeroportu, polísia bandu jornalista sira ba halo kobertura besik.

Informasaun ne’ebé Timor Post asesu haktuir, Aviaun rua ne’e aluga husi BCTL tula osan, maibé fó sai iha Ajénsia Notisioza Estadu nian haktuir, Governadór BCTL, Abrão de Vasconcelhos, lakohi fó komentáriu.

“Asuntu ne’e sensitivu uitoan liga ho kestaun seguransa, ami mós lahatene karik ema iha fatin sira ne’ebé trata lisensa mak bocorkan,” Governadór Banku Sentrál subliña.

Mosu polémika iha rede sosiál kona-ba aviaun rua ne’e. Balu dehan aviaun rua ne’e tula Orsamentu Jerál Estadu (OJE) 2021 nian. Inkuantu seluk dehan aviaun tula osan ne’ebé apoiu husi komunidade internasionál sira hodi apoiu programa governu iha luta kontra COVID-19 iha rai laran.

Jornalista Jaime Pires

Editór Noémio Falcão